೨. ಅಕಾಲಚೀವರಸಿಕ್ಖಾಪದವಣ್ಣನಾ

ಯಂ ಅತ್ತನಾ ಲದ್ಧಂ, ತಂ ನಿಸ್ಸಗ್ಗಿಯಂ ಹೋತೀತಿ ಯಂ ಚೀವರಂ ಭಾಜಾಪಿತಾಯ ಅತ್ತನಾ ಲದ್ಧಂ, ತಮೇವ ನಿಸ್ಸಗ್ಗಿಯಂ ಹೋತಿ, ತಂ ವಿನಯಕಮ್ಮಂ ಕತ್ವಾಪಿ ಅತ್ತನಾ ನ ಲಬ್ಭತಿ. ತೇನಾಹ ‘‘ನಿಸ್ಸಟ್ಠ’’ನ್ತಿಆದಿ. ತತ್ಥ ನಿಸ್ಸಟ್ಠಂ ಪಟಿಲಭಿತ್ವಾಪೀತಿ ‘‘ಅಯ್ಯಾಯ, ದಮ್ಮೀ’’ತಿ ಏವಂ ನಿಸ್ಸಟ್ಠಂ ಪಟಿಲಭಿತ್ವಾಪಿ. ಯಥಾದಾನೇಯೇವ ಉಪನೇತಬ್ಬನ್ತಿ ಯಥಾ ದಾಯಕೇಹಿ ದಿನ್ನಂ, ತಥೇವ ಉಪನೇತಬ್ಬಂ, ಅಕಾಲಚೀವರಪಕ್ಖೇಯೇವ ಠಪೇತಬ್ಬನ್ತಿ ವುತ್ತಂ ಹೋತಿ.

ಅಕಾಲಚೀವರಸಿಕ್ಖಾಪದವಣ್ಣನಾ ನಿಟ್ಠಿತಾ.