೩-೪. ಸುಪ್ಪಟಿಚ್ಛನ್ನಸಿಕ್ಖಾಪದವಣ್ಣನಾ

ಸುಟ್ಠು ಪಟಿಚ್ಛನ್ನೋತಿ ಜತ್ತುಮ್ಪಿ ಉರಮ್ಪಿ ಅವಿವರಿತ್ವಾ ಪಟಿಚ್ಛಾದೇತಬ್ಬಟ್ಠಾನೇ ಪಟಿಚ್ಛಾದನೇನ ಪಟಿಚ್ಛನ್ನೋ, ನ ಸೀಸಪಾರುತೋ. ತೇನಾಹ ‘‘ಗಣ್ಠಿಕಂ ಪಟಿಮುಞ್ಚಿತ್ವಾ’’ತಿಆದಿ. ತತ್ಥ ಗಣ್ಠಿಕಂ ಪಟಿಮುಞ್ಚಿತ್ವಾತಿ ಗಣ್ಠಿಕಂ ಪಾಸಕೇ ಪಟಿಮುಞ್ಚಿತ್ವಾ. ಅನ್ತರಘರೇ ವಾತಿ ಗೋಚರಗಾಮೇ. ಏಕದಿವಸಮ್ಪಿ ವಾಸೂಪಗತಸ್ಸ ಸನ್ತಿಕಂ ಯಥಾಸುಖಂ ಗನ್ತುಂ ವಟ್ಟತಿ, ಕೋ ಪನ ವಾದೋ ಚತುಪ್ಪಞ್ಚಾಹಂ ವಾಸಮಧಿಟ್ಠಾಯ ವಸಿತಭಿಕ್ಖೂನಂ ಸನ್ತಿಕನ್ತಿ ಗಣ್ಠಿಪದೇ ಲಿಖಿತಂ.

ವಾಸೂಪಗತಸ್ಸಾತಿ ರತ್ತಿವಾಸತ್ಥಾಯ ಉಪಗತಸ್ಸ ರತ್ತಿಭಾಗೇ ವಾ ದಿವಸಭಾಗೇ ವಾ ಕಾಯಂ ವಿವರಿತ್ವಾ ನಿಸೀದತೋ ಅನಾಪತ್ತಿ.

ಸುಪ್ಪಟಿಚ್ಛನ್ನಸಿಕ್ಖಾಪದವಣ್ಣನಾ ನಿಟ್ಠಿತಾ.