೮. ಅಟ್ಠಮವಗ್ಗವಣ್ಣನಾ

ಪಠಮದುತಿಯತತಿಯೇಸು ‘‘ಗಿಹಿಗತಾ’’ತಿ ವಾ ‘‘ಕುಮಾರಿಭೂತಾ’’ತಿ ವಾ ನ ವತ್ತಬ್ಬಾ. ವದನ್ತಿ ಚೇ, ಕಮ್ಮಂ ಕುಪ್ಪತಿ.

ಏಕಾದಸಮೇ ಛನ್ದಂ ಅವಿಸ್ಸಜ್ಜೇತ್ವಾತಿ ‘‘ಯಥಾಸುಖ’’ನ್ತಿ ಅವತ್ವಾ. ಏತ್ಥ ಪನ ಅಯಂ ವಿನಿಚ್ಛಯೋ – ‘‘ಪಾರಿವಾಸಿಕಛನ್ದದಾನೇನಾ’’ತಿ ಇದಂ ಉದ್ಧರಿತ್ವಾ ‘‘ವುಟ್ಠಿತಾಯ ಪರಿಸಾಯಾ’’ತಿ (ಪಾಚಿ. ೧೧೬೮) ಪದಭಾಜನಂ ವುತ್ತಂ. ಏತಸ್ಸ ಪನ ಸಮನ್ತಪಾಸಾದಿಕಾಯಂ ‘‘ವುಟ್ಠಿತಾಯ ಪರಿಸಾಯಾತಿ ಛನ್ದಂ ವಿಸ್ಸಜ್ಜೇತ್ವಾ ಕಾಯೇನ ವಾ ವಾಚಾಯ ವಾ ಛನ್ದವಿಸ್ಸಜ್ಜನಮತ್ತೇನ ವಾ ವುಟ್ಠಿತಾಯಾ’’ತಿ (ಪಾಚಿ. ಅಟ್ಠ. ೧೧೬೭) ವುತ್ತಂ. ಇಧ ಛನ್ದಸ್ಸ ಪನ ಅವಿಸ್ಸಟ್ಠತ್ತಾ ಕಮ್ಮಂ ಕಾತುಂ ವಟ್ಟತೀತಿ ವುತ್ತಂ. ತಸ್ಮಾ ಛನ್ದಂ ಅವಿಸ್ಸಜ್ಜೇತ್ವಾವ ದ್ವಾದಸಹತ್ಥಪಾಸೇ ವಿಹರಿತ್ವಾ ಪುನ ಸನ್ನಿಪಾತಕರಣಞ್ಚ ವಟ್ಟತೀತಿ ಲಿಖಿತಂ.

ಅಟ್ಠಮವಗ್ಗವಣ್ಣನಾ ನಿಟ್ಠಿತಾ.