೭. ಭಿಕ್ಖುನಿಉಮ್ಮದ್ದಾಪನಸಿಕ್ಖಾಪದವಣ್ಣನಾ

ಸತ್ತಮೇ ಉಮ್ಮದ್ದಾಪೇಯ್ಯಾತಿ ಉಬ್ಬಟ್ಟಾಪೇಯ್ಯ. ಪರಿಮದ್ದಾಪೇಯ್ಯಾತಿ ಸಮ್ಬಾಹಾಪೇಯ್ಯ. ಏತ್ಥ ಚ ಹತ್ಥಂ ಅಮುಞ್ಚಿತ್ವಾ ಉಬ್ಬಟ್ಟನೇ ಏಕಾವ ಆಪತ್ತಿ, ಮೋಚೇತ್ವಾ ಮೋಚೇತ್ವಾ ಉಬ್ಬಟ್ಟನೇ ಪಯೋಗಗಣನಾಯ ಆಪತ್ತಿಯೋ. ಸಮ್ಬಾಹನೇಪಿ ಏಸೇವ ನಯೋ.

ಸಾವತ್ಥಿಯಂ ಸಮ್ಬಹುಲಾ ಭಿಕ್ಖುನಿಯೋ ಆರಬ್ಭ ಭಿಕ್ಖುನಿಯಾ ಉಮ್ಮದ್ದಾಪನಪರಿಮದ್ದಾಪನವತ್ಥುಸ್ಮಿಂ ಪಞ್ಞತ್ತಂ, ಗಿಲಾನಾಯ, ಆಪದಾಸು, ಉಮ್ಮತ್ತಿಕಾದೀನಞ್ಚ ಅನಾಪತ್ತಿ. ಇಧ ಮಗ್ಗಗಮನಪರಿಸ್ಸಮೋಪಿ ಗೇಲಞ್ಞಂ, ಚೋರಭಯಾದೀಹಿ ಸರೀರಕಮ್ಪನಾದಯೋಪಿ ಆಪದಾ. ಸೇಸಂ ಚತುತ್ಥೇ ವುತ್ತನಯೇನೇವ ವೇದಿತಬ್ಬನ್ತಿ.

ಭಿಕ್ಖುನಿಉಮ್ಮದ್ದಾಪನಸಿಕ್ಖಾಪದವಣ್ಣನಾ ನಿಟ್ಠಿತಾ.