೩. ಗಣಪರಿಭಾಸನಸಿಕ್ಖಾಪದವಣ್ಣನಾ

ತತಿಯೇ ಚಣ್ಡಿಕತಾತಿ ಕುದ್ಧಾ. ಗಣನ್ತಿ ಭಿಕ್ಖುನಿಸಙ್ಘಂ. ಪರಿಭಾಸೇಯ್ಯಾತಿ ಏತ್ಥ ‘‘ಬಾಲಾ ಏತಾ ಅಬ್ಯತ್ತಾ ಏತಾ, ನೇತಾ ಜಾನನ್ತಿ ಕಮ್ಮಂ ವಾ ಕಮ್ಮದೋಸಂ ವಾ ಕಮ್ಮಸಮ್ಪತ್ತಿಂ ವಾ ಕಮ್ಮವಿಪತ್ತಿಂ ವಾ’’ತಿ ಏವಂ ಯತ್ಥ ಕತ್ಥಚಿ ಪರಿಭಾಸನ್ತಿಯಾ ಪಾಚಿತ್ತಿಯಂ.

ಸಾವತ್ಥಿಯಂ ಥುಲ್ಲನನ್ದಂ ಆರಬ್ಭ ಗಣಂ ಪರಿಭಾಸನವತ್ಥುಸ್ಮಿಂ ಪಞ್ಞತ್ತಂ, ಸಮ್ಬಹುಲಾ ವಾ ಏಕಂ ವಾ ಅನುಪಸಮ್ಪನ್ನಂ ವಾ ಪರಿಭಾಸನ್ತಿಯಾ ದುಕ್ಕಟಂ. ಸೇಸಂ ದುತಿಯಸದಿಸಮೇವಾತಿ.

ಗಣಪರಿಭಾಸನಸಿಕ್ಖಾಪದವಣ್ಣನಾ ನಿಟ್ಠಿತಾ.