೫. ನಿಕ್ಕಡ್ಢನಸಿಕ್ಖಾಪದವಣ್ಣನಾ

ಪಞ್ಚಮೇ ಉಪಸ್ಸಯಂ ದತ್ವಾತಿ ಸಕವಾಟಬದ್ಧಂ ಅತ್ತನೋ ಪುಗ್ಗಲಿಕವಿಹಾರಂ ದತ್ವಾ. ನಿಕ್ಕಡ್ಢೇಯ್ಯಾತಿ ಬಹೂನಿಪಿ ದ್ವಾರಾನಿ ಏಕಪ್ಪಯೋಗೇನ ನಿಕ್ಕಡ್ಢೇನ್ತಿಯಾ ಏಕಾ ಆಪತ್ತಿ, ನಾನಾಪಯೋಗೇಹಿ ಪಯೋಗಗಣನಾಯ ಆಪತ್ತಿಯೋ, ಆಣತ್ತಿಯಮ್ಪಿ ಏಸೇವ ನಯೋ. ಸಚೇ ಪನ ‘‘ಇಮಞ್ಚಿಮಞ್ಚ ದ್ವಾರಂ ಅತಿಕ್ಕಾಮೇಹೀ’’ತಿ ಆಣಾಪೇತಿ, ಏಕಾಯ ಆಣತ್ತಿಯಾ ಏವ ದ್ವಾರಗಣನಾಯ ಆಪತ್ತಿಯೋ.

ಸಾವತ್ಥಿಯಂ ಥುಲ್ಲನನ್ದಂ ಆರಬ್ಭ ಏತಾದಿಸೇ ವತ್ಥುಸ್ಮಿಂ ಪಞ್ಞತ್ತಂ, ತಿಕಪಾಚಿತ್ತಿಯಂ, ಅಕವಾಟಬದ್ಧತೋ ದುಕ್ಕಟಂ, ಅನುಪಸಮ್ಪನ್ನಾಯ ತಿಕದುಕ್ಕಟಂ, ಸಕವಾಟಬದ್ಧತೋ ವಾ ಅಕವಾಟಬದ್ಧತೋ ವಾ ಉಭಿನ್ನಮ್ಪಿ ಪರಿಕ್ಖಾರನಿಕ್ಕಡ್ಢನೇ ದುಕ್ಕಟಮೇವ, ಸೇಸಂ ಸಙ್ಘಿಕವಿಹಾರನಿಕ್ಕಡ್ಢನಸಿಕ್ಖಾಪದೇ ವುತ್ತನಯಮೇವಾತಿ.

ನಿಕ್ಕಡ್ಢನಸಿಕ್ಖಾಪದವಣ್ಣನಾ ನಿಟ್ಠಿತಾ.