೬. ಅನಾಪುಚ್ಛಾಅಭಿನಿಸೀದನಸಿಕ್ಖಾಪದವಣ್ಣನಾ

ಛಟ್ಠೇ ಪಚ್ಛಾಭತ್ತನ್ತಿ ಮಜ್ಝನ್ಹಿಕೇ ವೀತಿವತ್ತೇ ಯಾವ ಸೂರಿಯಸ್ಸ ಅತ್ಥಙ್ಗಮಾ. ಅಭಿನಿಸೀದೇಯ್ಯ ವಾತಿ ಆದಿಮ್ಹಿ ನಿಸೀದಿತ್ವಾ ಗಚ್ಛನ್ತಿಯಾ ಏಕಾ ಆಪತ್ತಿ, ಅನಿಸೀದಿತ್ವಾ ನಿಪಜ್ಜಿತ್ವಾವ ಗಚ್ಛನ್ತಿಯಾಪಿ ಏಕಾ, ನಿಸೀದಿತ್ವಾ ನಿಪಜ್ಜನ್ತಿಯಾ ದ್ವೇ.

ಸಾವತ್ಥಿಯಂ ಥುಲ್ಲನನ್ದಂ ಆರಬ್ಭ ಆಸನೇ ಅಭಿನಿಸೀದನವತ್ಥುಸ್ಮಿಂ ಪಞ್ಞತ್ತಂ, ಸೇಸಂ ಪಞ್ಚಮಸದಿಸಮೇವ. ಯಥಾ ಪನ ತತ್ಥ ಅಸಂಹಾರಿಮೇ, ಏವಮಿಧ ಧುವಪಞ್ಞತ್ತೇ ಅನಾಪತ್ತೀತಿ.

ಅನಾಪುಚ್ಛಾಅಭಿನಿಸೀದನಸಿಕ್ಖಾಪದವಣ್ಣನಾ ನಿಟ್ಠಿತಾ.