೨. ಸಚ್ಚವಾರಾದಿವಣ್ಣನಾ

೭೧೯. ಕಾಲತ್ತಯೇಪೀತಿ ಅತೀತಾದೀಸು ತೀಸುಪಿ ಕಾಲೇಸು. ಹೇತುಫಲಧಮ್ಮಾ ಹೇತೂನಂ ಫಲಭೂತಾ ಧಮ್ಮಾ, ಪಚ್ಚಯನಿಬ್ಬತ್ತಾತಿ ಅತ್ಥೋ. ತೇಸಞ್ಚ ಹೇತುಧಮ್ಮಾತಿ ತೇಸಂ ಹೇತುಫಲಾನಂ ಪಚ್ಚಯನಿಬ್ಬತ್ತಾನಂ ಹೇತುಭೂತಾ ಧಮ್ಮಾ ‘‘ಧಮ್ಮಾ’’ತಿ ವುತ್ತಾತಿ ಯೋಜನಾ. ವಿನೇಯ್ಯವಸೇನಾತಿ ತಥಾವಿನೇತಬ್ಬಪುಗ್ಗಲಜ್ಝಾಸಯವಸೇನ. ಉಪ್ಪನ್ನಾ ಸಮುಪ್ಪನ್ನಾತಿಆದಿ ನ ವುತ್ತನ್ತಿ ಉಪ್ಪನ್ನಾ ಸಮುಪ್ಪನ್ನಾ ಉಟ್ಠಿತಾ ಸಮುಟ್ಠಿತಾ ಪಚ್ಚುಪ್ಪನ್ನಾತಿಆದಿ ನ ವುತ್ತಂ ಏಕನ್ತಪಚ್ಚುಪ್ಪನ್ನಸ್ಸೇವ ಸಙ್ಗಾಹಕತ್ತಾ. ತಂನಿಬ್ಬತ್ತಕಾತಿ ತೇಸಂ ಅತ್ಥಭಾವೇನ ವುತ್ತಾನಂ ನಿಪ್ಫಾದಕಾ. ಧಮ್ಮಾತಿ ವುತ್ತಾ ಧಮ್ಮಭಾವೇನ ಕಥಿತಾ.

ಸಚ್ಚವಾರಾದಿವಣ್ಣನಾ ನಿಟ್ಠಿತಾ.

ಸುತ್ತನ್ತಭಾಜನೀಯವಣ್ಣನಾ ನಿಟ್ಠಿತಾ.