೩. ಕಾಮಗುಣಕಥಾವಣ್ಣನಾ

೫೧೦. ಕಾಮಭವಸ್ಸ ಕಮನಟ್ಠೇನ ಕಾಮಭವಭಾವೋ ಸಬ್ಬೇಪಿ ಕಾಮಾವಚರಾ ಖನ್ಧಾದಯೋ ಕಾಮಭವೋತಿ ಇಮಿನಾ ಅಧಿಪ್ಪಾಯೇನ ದಟ್ಠಬ್ಬೋ. ಉಪಾದಿನ್ನಕ್ಖನ್ಧಾನಮೇವ ಪನ ಕಾಮಭವಭಾವೋ ಧಾತುಕಥಾಯಂ ದಸ್ಸಿತೋ, ನ ಕಮನಟ್ಠೇನ ಕಾಮಭವಭಾವೋ. ‘‘ಪಞ್ಚಿಮೇ, ಭಿಕ್ಖವೇ, ಕಾಮಗುಣಾ’’ತಿ ವಚನಮತ್ತಂ ನಿಸ್ಸಾಯಾತಿ ಪಞ್ಚೇವ ಕಾಮಕೋಟ್ಠಾಸಾ ‘‘ಕಾಮೋ’’ತಿ ವುತ್ತಾತಿ ಕಾಮಧಾತೂತಿವಚನಂ ನ ಅಞ್ಞಸ್ಸ ನಾಮನ್ತಿ ಇಮಿನಾ ಅಧಿಪ್ಪಾಯೇನೇವಂ ವಚನಮತ್ತಂ ನಿಸ್ಸಾಯಾತಿ ಅತ್ಥೋ.

ಕಾಮಗುಣಕಥಾವಣ್ಣನಾ ನಿಟ್ಠಿತಾ.