೮. ಜರಾಮರಣಂವಿಪಾಕೋತಿಕಥಾವಣ್ಣನಾ

೪೯೫. ಸಮ್ಪಯೋಗಲಕ್ಖಣಾಭಾವಾತಿ ‘‘ಏಕಾರಮ್ಮಣಾ’’ತಿ ಇಮಸ್ಸ ಸಮ್ಪಯೋಗಲಕ್ಖಣಸ್ಸ ಅಭಾವಾತಿ ಅಧಿಪ್ಪಾಯೋ.

೪೯೬. ಪರಿಯಾಯೋ ನತ್ಥೀತಿ ಸಕವಾದಿನಾ ಅತ್ತನಾ ವತ್ತಬ್ಬತಾಯ ಪರಿಯಾಯೋ ನತ್ಥೀತಿ ಅಬ್ಯಾಕತಾನಂ ಜರಾಮರಣಸ್ಸ ವಿಪಾಕನಿವಾರಣತ್ಥಂ ಅಬ್ಯಾಕತವಸೇನ ಪುಚ್ಛಾ ನ ಕತಾತಿ ದಸ್ಸೇತಿ.

೪೯೭. ಅಪರಿಸುದ್ಧವಣ್ಣತಾ ಜರಾಯೇವಾತಿ ಕೇಚಿ, ತಂ ಅಕುಸಲಕಮ್ಮಂ ಕಮ್ಮಸಮುಟ್ಠಾನಸ್ಸಾತಿಆದಿನಾ ರೂಪಸ್ಸೇವ ದುಬ್ಬಣ್ಣತಾದಸ್ಸನೇನ ಸಮಮೇವಾತಿ.

ಜರಾಮರಣಂವಿಪಾಕೋತಿಕಥಾವಣ್ಣನಾ ನಿಟ್ಠಿತಾ.