೧೦. ಸಬ್ಬಸಂಯೋಜನಪ್ಪಹಾನಕಥಾವಣ್ಣನಾ

೪೧೩. ನಿಪ್ಪರಿಯಾಯೇನೇವಾತಿ ಅವಸಿಟ್ಠಸ್ಸ ಪಹಾತಬ್ಬಸ್ಸ ಅಭಾವಾ ‘‘ಸಬ್ಬಸಂಯೋಜನಪ್ಪಹಾನ’’ನ್ತಿ ಇಮಂ ಪರಿಯಾಯಂ ಅಗ್ಗಹೇತ್ವಾ ಅರಹತ್ತಮಗ್ಗೇನ ಪಜಹನತೋ ಏವಾತಿ ಗಣ್ಹಾತೀತಿ ವುತ್ತಂ ಹೋತಿ. ಅಪ್ಪಹೀನಸ್ಸ ಅಭಾವಾತಿ ಅವಸಿಟ್ಠಸ್ಸ ಪಹಾತಬ್ಬಸ್ಸ ಅಭಾವಾ ಪಟಿಜಾನಾತೀತಿ ವದನ್ತಿ, ತಥಾ ‘‘ಅನವಸೇಸಪ್ಪಹಾನ’’ನ್ತಿ ಏತ್ಥಾಪಿ. ಏವಂ ಸತಿ ತೇನ ಅತ್ತನೋ ಲದ್ಧಿಂ ಛಡ್ಡೇತ್ವಾ ಸಕವಾದಿಸ್ಸ ಲದ್ಧಿಯಾ ಪಟಿಞ್ಞಾತನ್ತಿ ಆಪಜ್ಜತಿ.

ಸಬ್ಬಸಂಯೋಜನಪ್ಪಹಾನಕಥಾವಣ್ಣನಾ ನಿಟ್ಠಿತಾ.

ಚತುತ್ಥವಗ್ಗವಣ್ಣನಾ ನಿಟ್ಠಿತಾ.