೧. ಅನುಲೋಮಪಚ್ಚನೀಕವಣ್ಣನಾ

೧೨. ಪುರಿಮಪಚ್ಛಿಮಜಾತಿಕಾಲಞ್ಚಾತಿ ಮಜ್ಝಿಮಜಾತಿಕಾಲೇ ಉಪಲಬ್ಭಮಾನಸ್ಸ ತಸ್ಸೇವ ಪುರಿಮಪಚ್ಛಿಮಜಾತಿಕಾಲೇಸು ಉಪಲದ್ಧಿಂ ಸನ್ಧಾಯಾತಿ ಅಧಿಪ್ಪಾಯೋ. ಸೇಸಂ ಪಠಮನಯೇ ವುತ್ತಸದಿಸಮೇವಾತಿ ಇಮೇಸು ತೀಸು ಪಠಮೇ ‘‘ಸಬ್ಬತ್ಥಾ’’ತಿ ಏತಸ್ಮಿಂ ನಯೇ ವುತ್ತಸದಿಸಮೇವ, ಕಿಂ ತಂ? ಪಾಠಸ್ಸ ಸಂಖಿತ್ತತಾತಿ ಅತ್ಥೋ. ಇಧಾಪಿ ಹಿ ಯಸ್ಮಾ ‘‘ಸಬ್ಬದಾ ನ ಉಪಲಬ್ಭತೀ’’ತಿ ವುತ್ತೇ ಏಕದಾ ಉಪಲಬ್ಭತೀತಿ ಆಪಜ್ಜತಿ, ತಸ್ಮಾ ಪಚ್ಚನೀಕೇ ಪಟಿಕ್ಖೇಪೋ ಸಕವಾದಿಸ್ಸಾತಿ ಯೋಜೇತಬ್ಬನ್ತಿ.