೯. ಅಪರಿನಿಪ್ಫನ್ನಕಥಾವಣ್ಣನಾ

೯೧೭-೯೧೮. ನ ಅನಿಚ್ಚಾದಿಭಾವನ್ತಿ ಏತ್ಥ ಅನಿಚ್ಚಾದಿಕೋ ಭಾವೋ ಏತಸ್ಸಾತಿ ಅನಿಚ್ಚಾದಿಭಾವನ್ತಿ ರೂಪಂ ವುತ್ತಂ. ‘‘ನ ಕೇವಲಞ್ಹಿ ಪಠಮಸಚ್ಚಮೇವ ದುಕ್ಖ’’ನ್ತಿ ವದನ್ತೇನ ‘‘ದುಕ್ಖಞ್ಞೇವ ಪರಿನಿಪ್ಫನ್ನ’’ನ್ತಿ ದುಕ್ಖಸಚ್ಚಂ ಸನ್ಧಾಯ ಪುಚ್ಛಾ ಕತಾತಿ ದಸ್ಸಿತಂ ಹೋತಿ. ಏವಂ ಸತಿ ತೇನ ‘‘ಚಕ್ಖಾಯತನಂ ಅಪರಿನಿಪ್ಫನ್ನ’’ನ್ತಿಆದಿ ನ ವತ್ತಬ್ಬಂ ಸಿಯಾ. ನ ಹಿ ಚಕ್ಖಾಯತನಾದೀನಿ ಅನುಪಾದಿನ್ನಾನಿ ಲೋಕುತ್ತರಾನಿ ವಾ. ತನ್ತಿ ‘‘ದುಕ್ಖಞ್ಞೇವ ಪರಿನಿಪ್ಫನ್ನಂ, ನ ಪನ ರೂಪ’’ನ್ತಿ ಏತಂ ರೂಪಸ್ಸ ಚ ದುಕ್ಖತ್ತಾ ನೋ ವತ ರೇ ವತ್ತಬ್ಬೇತಿ ಅತ್ಥೋ.

ಅಪರಿನಿಪ್ಫನ್ನಕಥಾವಣ್ಣನಾ ನಿಟ್ಠಿತಾ.

ತೇವೀಸತಿಮವಗ್ಗವಣ್ಣನಾ ನಿಟ್ಠಿತಾ.

ಕಥಾವತ್ಥುಪಕರಣ-ಮೂಲಟೀಕಾ ಸಮತ್ತಾ.

ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ