೯. ರೂಪಂರೂಪಾವಚರಾರೂಪಾವಚರನ್ತಿಕಥಾವಣ್ಣನಾ

೭೬೮-೭೭೦. ರೂಪಂರೂಪಾವಚರಾರೂಪಾವಚರನ್ತಿಕಥಾಯಂ ಹೇಟ್ಠಾತಿ ಚುದ್ದಸಮವಗ್ಗೇ ಆಗತಪರಿಯಾಪನ್ನಕಥಾಯಂ (ಕಥಾ. ಅಟ್ಠ. ೭೦೩-೭೦೫). ‘‘ಸಮಾಪತ್ತೇಸಿಯ’’ನ್ತಿಆದಿ ವುತ್ತನಯಮೇವ. ಯಞ್ಚೇತ್ಥ ‘‘ಅತ್ಥಿ ರೂಪಂ ಅರೂಪಾವಚರ’’ನ್ತಿ ಅರೂಪಾವಚರಕಮ್ಮಸ್ಸ ಕತತ್ತಾ ರೂಪಂ ವುತ್ತಂ, ತತ್ಥ ಚ ಯಂ ವತ್ತಬ್ಬಂ, ತಂ ಅಟ್ಠಮವಗ್ಗೇ ಅರೂಪೇರೂಪಕಥಾಯಂ (ಕಥಾ. ಅಟ್ಠ. ೫೨೪-೫೨೬) ವುತ್ತನಯಮೇವಾತಿ.

ರೂಪಂರೂಪಾವಚರಾರೂಪಾವಚರನ್ತಿಕಥಾವಣ್ಣನಾ ನಿಟ್ಠಿತಾ.

ಸೋಳಸಮವಗ್ಗವಣ್ಣನಾ ನಿಟ್ಠಿತಾ.