೨. ಅಞ್ಞಮಞ್ಞಪಚ್ಚಯಕಥಾವಣ್ಣನಾ

೭೧೮-೭೧೯. ಅಪುಞ್ಞಾಭಿಸಙ್ಖಾರೋವ ಗಹಿತೋ ‘‘ನನು ಅವಿಜ್ಜಾ ಸಙ್ಖಾರೇನ ಸಹಜಾತಾ’’ತಿ ವುತ್ತತ್ತಾತಿ ಅಧಿಪ್ಪಾಯೋ. ಸಹಜಾತಅಞ್ಞಮಞ್ಞಅತ್ಥಿಅವಿಗತಸಮ್ಪಯುತ್ತವಸೇನಾತಿ ಏತ್ಥ ನಿಸ್ಸಯೋ ಕಮಭೇದೇನ ಅತ್ಥಿಗ್ಗಹಣೇನ ಗಹಿತೋ ಹೋತೀತಿ ನ ವುತ್ತೋ, ಕಮ್ಮಾಹಾರಾ ಅಸಾಧಾರಣತಾಯಾತಿ ವೇದಿತಬ್ಬಾ. ವಕ್ಖತಿ ಹಿ ‘‘ತೀಣಿ ಉಪಾದಾನಾನಿ ಅವಿಜ್ಜಾಯ ಸಙ್ಖಾರಾ ವಿಯ ತಣ್ಹಾಯ ಪಚ್ಚಯಾ ಹೋನ್ತೀ’’ತಿ (ಕಥಾ. ಅಟ್ಠ. ೭೧೮-೭೧೯), ತಸ್ಮಾ ಉಪಾದಾನೇಹಿ ಸಮಾನಾ ಏವೇತ್ಥ ಸಙ್ಖಾರಾನಂ ಪಚ್ಚಯತಾ ದಸ್ಸಿತಾತಿ.

ಅಞ್ಞಮಞ್ಞಪಚ್ಚಯಕಥಾವಣ್ಣನಾ ನಿಟ್ಠಿತಾ.