೫. ಪಠಮಯೋಧಾಜೀವಸುತ್ತವಣ್ಣನಾ

೭೫. ಪಞ್ಚಮೇ ಯುಜ್ಝನಂ ಯೋಧೋ, ಸೋ ಆಜೀವೋ ಏತೇಸನ್ತಿ ಯೋಧಾಜೀವಾ. ತೇನಾಹ ‘‘ಯುದ್ಧೂಪಜೀವಿನೋ’’ತಿ. ಸನ್ಥಮ್ಭಿತ್ವಾ ಠಾತುಂ ನ ಸಕ್ಕೋತೀತಿ ಬದ್ಧೋ ಧಿತಿಸಮ್ಪನ್ನೋ ಠಾತುಂ ನ ಸಕ್ಕೋತಿ. ಸಮಾಗತೇತಿ ಸಮ್ಪತ್ತೇ. ಬ್ಯಾಪಜ್ಜತೀತಿ ವಿಕಾರಮಾಪಜ್ಜತಿ. ತೇನಾಹ ‘‘ಪಕತಿಭಾವಂ ಜಹತೀ’’ತಿ.

ರಜಗ್ಗಸ್ಮಿನ್ತಿ ಪಚ್ಚತ್ತೇ ಭುಮ್ಮವಚನನ್ತಿ ಆಹ ‘‘ಕಿಂ ತಸ್ಸ ಪುಗ್ಗಲಸ್ಸ ರಜಗ್ಗಂ ನಾಮಾ’’ತಿ. ವಿನಿಬ್ಬೇಠೇತ್ವಾತಿ ಗಹಿತಗ್ಗಹಣಂ ವಿಸ್ಸಜ್ಜಾಪೇತ್ವಾ. ಮೋಚೇತ್ವಾತಿ ಸರೀರತೋ ಅಪನೇತ್ವಾ.

ಪಠಮಯೋಧಾಜೀವಸುತ್ತವಣ್ಣನಾ ನಿಟ್ಠಿತಾ.