೬. ಸೋಖುಮ್ಮಸುತ್ತವಣ್ಣನಾ

೧೬. ಛಟ್ಠೇ ಸುಖುಮಲಕ್ಖಣಪ್ಪಟಿವಿಜ್ಝನಕಾನೀತಿ ಅನಿಚ್ಚಾದಿಸುಖುಮಲಕ್ಖಣಾನಂ ಪಟಿವಿಜ್ಝನಕಾನಿ. ಸುಖುಮಲಕ್ಖಣಪರಿಗ್ಗಾಹಕಞಾಣೇನಾತಿ ಸುಖುಮಲಕ್ಖಣಪರಿಗ್ಗಾಹಕೇನ ಞಾಣೇನ. ಪರತೋ ಜಾನಿತ್ವಾತಿ ಅವಸವತ್ತನೇನ ಅಞ್ಞತೋ ಜಾನಿತ್ವಾ. ಸಙ್ಖಾರಾ ಹಿ ‘‘ಮಾ ಭಿಜ್ಜಿಂಸೂ’’ತಿ ಇಚ್ಛಿತಾಪಿ ಭಿಜ್ಜನ್ತೇವ, ತಸ್ಮಾ ತೇ ಅವಸವತ್ತಿತಾಯ ಪರೇ ನಾಮ. ಸಾ ಚ ನೇಸಂ ಪರತಾ ಅನಿಚ್ಚದಸ್ಸನೇ ಪಾಕಟಾ ಹೋತೀತಿ ವುತ್ತಂ ‘‘ಇಮಿನಾ ಹಿ ಪದೇನ ಅನಿಚ್ಚಾನುಪಸ್ಸನಾ ಕಥಿತಾ’’ತಿ. ಸೇಸಂ ಉತ್ತಾನಮೇವ.

ಸೋಖುಮ್ಮಸುತ್ತವಣ್ಣನಾ ನಿಟ್ಠಿತಾ.