೧೦. ಆತಪ್ಪಕರಣೀಯಸುತ್ತವಣ್ಣನಾ

೫೦. ದಸಮೇ ಸರೀರಸಮ್ಭವಾನನ್ತಿ ಸರೀರೇ ಸಮ್ಭೂತಾನಂ. ದುಕ್ಖಾನನ್ತಿ ಅನಿಟ್ಠಾನಂ. ಬಹಲಾನನ್ತಿ ನಿರನ್ತರಪ್ಪವತ್ತಿಯಾ ಅವಿರಳಾನಂ. ತಾಪನವಸೇನಾತಿ ದುಕ್ಖಾಪನವಸೇನ. ತಿಬ್ಬಾನನ್ತಿ ಕುರೂರಾನಂ. ತಾಸಂ ಯಥಾವುತ್ತಾನಂ ಅಧಿವಾಸನಾಯ ಪಹಾತಬ್ಬದುಕ್ಖವೇದನಾನಂ ಪಜಹನಂ ನಾಮ ಖಮನಮೇವಾತಿ ಆಹ ‘‘ಖಮನತ್ಥಾಯಾ’’ತಿ. ಆಣಾಪೇತ್ವಾತಿ ‘‘ಆತಪ್ಪಂ ಕರಣೀಯ’’ನ್ತಿ ಬುದ್ಧಾಣಂ ವಿಧಾಯ. ಲೋಕಿಯಲೋಕುತ್ತರಮಿಸ್ಸಕಾ ಕಥಿತಾ ಸಸಮ್ಭಾರಾನಂ ಮಗ್ಗಧಮ್ಮಾನಂ ಕಥಿತತ್ತಾ.

ಆತಪ್ಪಕರಣೀಯಸುತ್ತವಣ್ಣನಾ ನಿಟ್ಠಿತಾ.