೧೧. ಮಹಾಚೋರಸುತ್ತವಣ್ಣನಾ

೫೧. ಏಕಾದಸಮೇ ಮಹಾಬಲವಚೋರೋ ಮಹಾಚೋರೋತಿ ಆಹ ‘‘ಮಹನ್ತೋ ಬಲವಚೋರೋ’’ತಿ. ಬಲವಚೋರೋತಿ ಚ ಮಹಾಥಾಮತಾಯ ಮಹಾಪರಿವಾರತಾಯ ಮಹಾಚೋರಿಯಕಮ್ಮಸಮತ್ಥತಾಯ ಚ ವೇದಿತಬ್ಬೋ. ಮಹತಂ ಗಾಮನಿಗಮಾನಂ ವಿಲುಪ್ಪನಂ ಮಹಾವಿಲೋಪೋ. ತಂ ತಂ ಕಾರಣಂ ಪಕ್ಖಿಪಿತ್ವಾತಿ ತಂ ತಂ ಅಕರಣಮೇವ ಕಾರಣಂ ಕತ್ವಾ ತಪ್ಪಟಿಬದ್ಧಾಯ ಕಥಾಯ ಪಕ್ಖಿಪಿತ್ವಾ. ಅತ್ಥಂ ಕಥಯಿಸ್ಸನ್ತೀತಿ ತಸ್ಸ ತಸ್ಸ ಅತ್ಥಞ್ಚ ಕಥಯಿಸ್ಸನ್ತಿ. ಹರನ್ತಾತಿ ಅಪನೇನ್ತಾ ಪರಿಹರನ್ತಾ. ದಸವತ್ಥುಕಾಯಾತಿ ‘‘ಸಸ್ಸತೋ ಲೋಕೋ’’ತಿ (ಮ. ನಿ. ೧.೨೬೯) ಆದಿದಸವತ್ಥುಸನ್ನಿಸ್ಸಿತಾಯ. ಅನ್ತಂ ಗಹೇತ್ವಾ ಠಿತದಿಟ್ಠಿಯಾತಿ ತಮೇವ ಸಸ್ಸತಾದಿಅನ್ತಂ ಗಹೇತ್ವಾ ಅವಿಸ್ಸಜ್ಜೇತ್ವಾ ಠಿತದಿಟ್ಠಿಯಾ.

ಮಹಾಚೋರಸುತ್ತವಣ್ಣನಾ ನಿಟ್ಠಿತಾ.

ಚೂಳವಗ್ಗವಣ್ಣನಾ ನಿಟ್ಠಿತಾ.

ಪಠಮಪಣ್ಣಾಸಕಂ ನಿಟ್ಠಿತಂ.