೧. ವಿಧಾಸುತ್ತಂ

೨೨೨. ಸಾವತ್ಥಿನಿದಾನಂ. ‘‘ಯೇ ಹಿ ಕೇಚಿ, ಭಿಕ್ಖವೇ, ಅತೀತಮದ್ಧಾನಂ ಸಮಣಾ ವಾ ಬ್ರಾಹ್ಮಣಾ ವಾ ತಿಸ್ಸೋ ವಿಧಾ ಪಜಹಿಂಸು, ಸಬ್ಬೇ ತೇ ಸತ್ತನ್ನಂ ಬೋಜ್ಝಙ್ಗಾನಂ ಭಾವಿತತ್ತಾ ಬಹುಲೀಕತತ್ತಾ. ಯೇ ಹಿ ಕೇಚಿ, ಭಿಕ್ಖವೇ, ಅನಾಗತಮದ್ಧಾನಂ ಸಮಣಾ ವಾ ಬ್ರಾಹ್ಮಣಾ ವಾ ತಿಸ್ಸೋ ವಿಧಾ ಪಜಹಿಸ್ಸನ್ತಿ, ಸಬ್ಬೇ ತೇ ಸತ್ತನ್ನಂ ಬೋಜ್ಝಙ್ಗಾನಂ ಭಾವಿತತ್ತಾ ಬಹುಲೀಕತತ್ತಾ. ಯೇ ಹಿ ಕೇಚಿ, ಭಿಕ್ಖವೇ, ಏತರಹಿ ಸಮಣಾ ವಾ ಬ್ರಾಹ್ಮಣಾ ವಾ ತಿಸ್ಸೋ ವಿಧಾ ಪಜಹನ್ತಿ, ಸಬ್ಬೇ ತೇ ಸತ್ತನ್ನಂ ಬೋಜ್ಝಙ್ಗಾನಂ ಭಾವಿತತ್ತಾ ಬಹುಲೀಕತತ್ತಾ. ಕತಮೇಸಂ ಸತ್ತನ್ನಂ ಬೋಜ್ಝಙ್ಗಾನಂ? ಸತಿಸಮ್ಬೋಜ್ಝಙ್ಗಸ್ಸ…ಪೇ… ಉಪೇಕ್ಖಾಸಮ್ಬೋಜ್ಝಙ್ಗಸ್ಸ. ಯೇ ಹಿ ಕೇಚಿ, ಭಿಕ್ಖವೇ, ಅತೀತಮದ್ಧಾನಂ ಸಮಣಾ ವಾ ಬ್ರಾಹ್ಮಣಾ ವಾ ತಿಸ್ಸೋ ವಿಧಾ ಪಜಹಿಂಸು…ಪೇ… ಪಜಹಿಸ್ಸನ್ತಿ…ಪೇ… ಪಜಹನ್ತಿ, ಸಬ್ಬೇ ತೇ ಇಮೇಸಂಯೇವ ಸತ್ತನ್ನಂ ಬೋಜ್ಝಙ್ಗಾನಂ ಭಾವಿತತ್ತಾ ಬಹುಲೀಕತತ್ತಾ’’ತಿ. ಪಠಮಂ.