೨. ಬಾಹಿರನನ್ದಿಕ್ಖಯಸುತ್ತಂ

೧೫೭. ‘‘ಅನಿಚ್ಚೇಯೇವ, ಭಿಕ್ಖವೇ, ಭಿಕ್ಖು ರೂಪೇ ಅನಿಚ್ಚಾತಿ ಪಸ್ಸತಿ, ಸಾಸ್ಸ ಹೋತಿ ಸಮ್ಮಾದಿಟ್ಠಿ. ಸಮ್ಮಾ ಪಸ್ಸಂ ನಿಬ್ಬಿನ್ದತಿ. ನನ್ದಿಕ್ಖಯಾ ರಾಗಕ್ಖಯೋ; ರಾಗಕ್ಖಯಾ ನನ್ದಿಕ್ಖಯೋ. ನನ್ದಿರಾಗಕ್ಖಯಾ ಚಿತ್ತಂ ಸುವಿಮುತ್ತನ್ತಿ ವುಚ್ಚತಿ. ಅನಿಚ್ಚೇಯೇವ, ಭಿಕ್ಖವೇ, ಭಿಕ್ಖು ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ಧಮ್ಮೇ ಅನಿಚ್ಚಾತಿ ಪಸ್ಸತಿ, ಸಾಸ್ಸ ಹೋತಿ ಸಮ್ಮಾದಿಟ್ಠಿ. ಸಮ್ಮಾ ಪಸ್ಸಂ ನಿಬ್ಬಿನ್ದತಿ. ನನ್ದಿಕ್ಖಯಾ ರಾಗಕ್ಖಯೋ; ರಾಗಕ್ಖಯಾ ನನ್ದಿಕ್ಖಯೋ. ನನ್ದಿರಾಗಕ್ಖಯಾ ಚಿತ್ತಂ ಸುವಿಮುತ್ತನ್ತಿ ವುಚ್ಚತೀ’’ತಿ. ದುತಿಯಂ.