೧೧. ಸಕ್ಕಾಯದಿಟ್ಠಿಪಹಾನಸುತ್ತಂ

೧೬೬. ಅಥ ಖೋ ಅಞ್ಞತರೋ ಭಿಕ್ಖು…ಪೇ… ಏತದವೋಚ – ‘‘ಕಥಂ ನು ಖೋ, ಭನ್ತೇ, ಜಾನತೋ ಕಥಂ ಪಸ್ಸತೋ ಸಕ್ಕಾಯದಿಟ್ಠಿ ಪಹೀಯತೀ’’ತಿ? ‘‘ಚಕ್ಖುಂ ಖೋ, ಭಿಕ್ಖು, ದುಕ್ಖತೋ ಜಾನತೋ ಪಸ್ಸತೋ ಸಕ್ಕಾಯದಿಟ್ಠಿ ಪಹೀಯತಿ. ರೂಪೇ ದುಕ್ಖತೋ ಜಾನತೋ ಪಸ್ಸತೋ ಸಕ್ಕಾಯದಿಟ್ಠಿ ಪಹೀಯತಿ. ಚಕ್ಖುವಿಞ್ಞಾಣಂ ದುಕ್ಖತೋ ಜಾನತೋ ಪಸ್ಸತೋ ಸಕ್ಕಾಯದಿಟ್ಠಿ ಪಹೀಯತಿ. ಚಕ್ಖುಸಮ್ಫಸ್ಸಂ ದುಕ್ಖತೋ ಜಾನತೋ ಪಸ್ಸತೋ ಸಕ್ಕಾಯದಿಟ್ಠಿ ಪಹೀಯತಿ…ಪೇ… ಯಮ್ಪಿದಂ ಮನೋಸಮ್ಫಸ್ಸಪಚ್ಚಯಾ ಉಪ್ಪಜ್ಜತಿ ವೇದಯಿತಂ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ ತಮ್ಪಿ ದುಕ್ಖತೋ ಜಾನತೋ ಪಸ್ಸತೋ ಸಕ್ಕಾಯದಿಟ್ಠಿ ಪಹೀಯತಿ. ಏವಂ ಖೋ, ಭಿಕ್ಖು, ಜಾನತೋ ಏವಂ ಪಸ್ಸತೋ ಸಕ್ಕಾಯದಿಟ್ಠಿ ಪಹೀಯತೀ’’ತಿ. ಏಕಾದಸಮಂ.