೪. ಅನತ್ತನಿಬ್ಬಾನಸಪ್ಪಾಯಸುತ್ತಂ

೧೪೯. ‘‘ನಿಬ್ಬಾನಸಪ್ಪಾಯಂ ವೋ, ಭಿಕ್ಖವೇ, ಪಟಿಪದಂ ದೇಸೇಸ್ಸಾಮಿ. ತಂ ಸುಣಾಥ…ಪೇ… ಕತಮಾ ಚ ಸಾ, ಭಿಕ್ಖವೇ, ನಿಬ್ಬಾನಸಪ್ಪಾಯಾ ಪಟಿಪದಾ? ಇಧ, ಭಿಕ್ಖವೇ, ಭಿಕ್ಖು ಚಕ್ಖುಂ ಅನತ್ತಾತಿ ಪಸ್ಸತಿ, ರೂಪಾ ಅನತ್ತಾತಿ ಪಸ್ಸತಿ, ಚಕ್ಖುವಿಞ್ಞಾಣಂ ಅನತ್ತಾತಿ ಪಸ್ಸತಿ, ಚಕ್ಖುಸಮ್ಫಸ್ಸೋ ಅನತ್ತಾತಿ ಪಸ್ಸತಿ, ಯಮ್ಪಿದಂ ಚಕ್ಖುಸಮ್ಫಸ್ಸಪಚ್ಚಯಾ ಉಪ್ಪಜ್ಜತಿ ವೇದಯಿತಂ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ ತಮ್ಪಿ ಅನತ್ತಾತಿ ಪಸ್ಸತಿ…ಪೇ… ಮನೋ ಅನತ್ತಾತಿ ಪಸ್ಸತಿ, ಧಮ್ಮಾ ಅನತ್ತಾತಿ ಪಸ್ಸತಿ, ಮನೋವಿಞ್ಞಾಣಂ ಅನತ್ತಾತಿ ಪಸ್ಸತಿ, ಮನೋಸಮ್ಫಸ್ಸೋ ಅನತ್ತಾತಿ ಪಸ್ಸತಿ, ಯಮ್ಪಿದಂ ಮನೋಸಮ್ಫಸ್ಸಪಚ್ಚಯಾ ಉಪ್ಪಜ್ಜತಿ ವೇದಯಿತಂ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ ತಮ್ಪಿ ಅನತ್ತಾತಿ ಪಸ್ಸತಿ. ಅಯಂ ಖೋ ಸಾ, ಭಿಕ್ಖವೇ, ನಿಬ್ಬಾನಸಪ್ಪಾಯಾ ಪಟಿಪದಾ’’ತಿ. ಚತುತ್ಥಂ.