೮. ಅನತ್ತಧಮ್ಮಸುತ್ತಂ

೧೭೭. ಸಾವತ್ಥಿನಿದಾನಂ. ಏಕಮನ್ತಂ ನಿಸಿನ್ನೋ ಖೋ ಆಯಸ್ಮಾ ರಾಧೋ ಭಗವನ್ತಂ ಏತದವೋಚ – ‘‘‘ಅನತ್ತಧಮ್ಮೋ, ಅನತ್ತಧಮ್ಮೋ’ತಿ, ಭನ್ತೇ, ವುಚ್ಚತಿ. ಕತಮೋ ನು ಖೋ, ಭನ್ತೇ, ಅನತ್ತಧಮ್ಮೋ’’ತಿ? ‘‘ರೂಪಂ ಖೋ, ರಾಧ, ಅನತ್ತಧಮ್ಮೋ, ವೇದನಾ ಅನತ್ತಧಮ್ಮೋ, ಸಞ್ಞಾ ಅನತ್ತಧಮ್ಮೋ, ಸಙ್ಖಾರಾ ಅನತ್ತಧಮ್ಮೋ, ವಿಞ್ಞಾಣಂ ಅನತ್ತಧಮ್ಮೋ. ಏವಂ ಪಸ್ಸಂ…ಪೇ… ನಾಪರಂ ಇತ್ಥತ್ತಾಯಾತಿ ಪಜಾನಾತೀ’’ತಿ. ಅಟ್ಠಮಂ.

೯.ಖಯಧಮ್ಮಸುತ್ತಂ

೧೭೮. ಸಾವತ್ಥಿನಿದಾನಂ. ಏಕಮನ್ತಂ ನಿಸಿನ್ನೋ ಖೋ ಆಯಸ್ಮಾ ರಾಧೋ ಭಗವನ್ತಂ ಏತದವೋಚ – ‘‘‘ಖಯಧಮ್ಮೋ, ಖಯಧಮ್ಮೋ’ತಿ, ಭನ್ತೇ, ವುಚ್ಚತಿ. ಕತಮೋ ನು ಖೋ, ಭನ್ತೇ, ಖಯಧಮ್ಮೋ’’ತಿ? ‘‘ರೂಪಂ ಖೋ, ರಾಧ, ಖಯಧಮ್ಮೋ, ವೇದನಾ ಖಯಧಮ್ಮೋ, ಸಞ್ಞಾ ಖಯಧಮ್ಮೋ, ಸಙ್ಖಾರಾ ಖಯಧಮ್ಮೋ, ವಿಞ್ಞಾಣಂ ಖಯಧಮ್ಮೋ. ಏವಂ ಪಸ್ಸಂ…ಪೇ… ನಾಪರಂ ಇತ್ಥತ್ತಾಯಾತಿ ಪಜಾನಾತೀ’’ತಿ. ನವಮಂ.