೫. ರಂಸಿಸಞ್ಞಕತ್ಥೇರಅಪದಾನಂ

೨೧. ‘‘ಉದೇನ್ತಂ ಸತರಂಸಿಂವ, ಪೀತರಂಸಿಂವ [ಸಿತರಂಸಿಂ ವ (ಸೀ. ಸ್ಯಾ.)] ಭಾಣುಮಂ;

ಬ್ಯಗ್ಘೂಸಭಂವ ಪವರಂ, ಸುಜಾತಂ ಪಬ್ಬತನ್ತರೇ.

೨೨. ‘‘ಬುದ್ಧಸ್ಸ ಆನುಭಾವೋ ಸೋ, ಜಲತೇ ಪಬ್ಬತನ್ತರೇ;

ರಂಸೇ [ರಂಸ್ಯಾ (?)] ಚಿತ್ತಂ ಪಸಾದೇತ್ವಾ, ಕಪ್ಪಂ ಸಗ್ಗಮ್ಹಿ ಮೋದಹಂ.

೨೩. ‘‘ಅವಸೇಸೇಸು ಕಪ್ಪೇಸು, ಕುಸಲಂ ಚರಿತಂ ಮಯಾ;

ತೇನ ಚಿತ್ತಪ್ಪಸಾದೇನ, ಬುದ್ಧಾನುಸ್ಸತಿಯಾಪಿ ಚ.

೨೪. ‘‘ತಿಂಸಕಪ್ಪಸಹಸ್ಸೇತೋ, ಯಂ ಸಞ್ಞಮಲಭಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಸಞ್ಞಾಯಿದಂ ಫಲಂ.

೨೫. ‘‘ಸತ್ತಪಞ್ಞಾಸಕಪ್ಪಮ್ಹಿ, ಏಕೋ ಆಸಿಂ ಜನಾಧಿಪೋ;

ಸುಜಾತೋ ನಾಮ ನಾಮೇನ, ಚಕ್ಕವತ್ತೀ ಮಹಬ್ಬಲೋ.

೨೬. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ರಂಸಿಸಞ್ಞಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ರಂಸಿಸಞ್ಞಕತ್ಥೇರಸ್ಸಾಪದಾನಂ ಪಞ್ಚಮಂ.