೬. ಸನ್ಧಿತತ್ಥೇರಅಪದಾನಂ

೨೭. ‘‘ಅಸ್ಸತ್ಥೇ ಹರಿತೋಭಾಸೇ, ಸಂವಿರೂಳ್ಹಮ್ಹಿ ಪಾದಪೇ;

ಏಕಂ ಬುದ್ಧಗತಂ ಸಞ್ಞಂ, ಅಲಭಿಂಹಂ [ಅಲಭಿಸ್ಸಂ (ಸೀ.)] ಪತಿಸ್ಸತೋ.

೨೮. ‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಸಞ್ಞಮಲಭಿಂ ತದಾ;

ತಸ್ಸಾ ಸಞ್ಞಾಯ ವಾಹಸಾ, ಪತ್ತೋ ಮೇ ಆಸವಕ್ಖಯೋ.

೨೯. ‘‘ಇತೋ ತೇರಸಕಪ್ಪಮ್ಹಿ, ಧನಿಟ್ಠೋ ನಾಮ ಖತ್ತಿಯೋ;

ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ.

೩೦. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಸನ್ಧಿತೋ [ಸಣ್ಠಿತೋ (ಸೀ.)] ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಸನ್ಧಿತತ್ಥೇರಸ್ಸಾಪದಾನಂ ಛಟ್ಠಂ.