೭. ತಿನ್ದುಕದಾಯಕತ್ಥೇರಅಪದಾನಂ

೩೫. ‘‘ಗಿರಿದುಗ್ಗಚರೋ ಆಸಿಂ, ಮಕ್ಕಟೋ ಥಾಮವೇಗಿಕೋ;

ಫಲಿನಂ ತಿನ್ದುಕಂ ದಿಸ್ವಾ, ಬುದ್ಧಸೇಟ್ಠಂ ಅನುಸ್ಸರಿಂ.

೩೬. ‘‘ನಿಕ್ಖಮಿತ್ವಾ ಕತಿಪಾಹಂ, ವಿಚಿನಿಂ ಲೋಕನಾಯಕಂ;

ಪಸನ್ನಚಿತ್ತೋ ಸುಮನೋ, ಸಿದ್ಧತ್ಥಂ ತಿಭವನ್ತಗುಂ.

೩೭. ‘‘ಮಮ ಸಙ್ಕಪ್ಪಮಞ್ಞಾಯ, ಸತ್ಥಾ ಲೋಕೇ ಅನುತ್ತರೋ;

ಖೀಣಾಸವಸಹಸ್ಸೇಹಿ, ಆಗಚ್ಛಿ ಮಮ ಸನ್ತಿಕಂ.

೩೮. ‘‘ಪಾಮೋಜ್ಜಂ ಜನಯಿತ್ವಾನ, ಫಲಹತ್ಥೋ ಉಪಾಗಮಿಂ;

ಪಟಿಗ್ಗಹೇಸಿ ಭಗವಾ, ಸಬ್ಬಞ್ಞೂ ವದತಂ ವರೋ.

೩೯. ‘‘ಚತುನ್ನವುತಿತೋ ಕಪ್ಪೇ, ಯಂ ಫಲಂ ಅದದಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ.

೪೦. ‘‘ಸತ್ತಪಞ್ಞಾಸಕಪ್ಪಮ್ಹಿ, ಉಪನನ್ದಸನಾಮಕೋ;

ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ.

೪೧. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ತಿನ್ದುಕದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ತಿನ್ದುಕದಾಯಕತ್ಥೇರಸ್ಸಾಪದಾನಂ ಸತ್ತಮಂ.