೯. ಸಮಾದಪಕತ್ಥೇರಅಪದಾನಂ

೪೪. ‘‘ನಗರೇ ಬನ್ಧುಮತಿಯಾ, ಮಹಾಪೂಗಗಣೋ ಅಹು;

ತೇಸಾಹಂ ಪವರೋ ಆಸಿಂ, ಮಮ ಬದ್ಧಚರಾ [ಪಟ್ಠಚರಾ (ಸ್ಯಾ.)] ಚ ತೇ.

೪೫. ‘‘ಸಬ್ಬೇ ತೇ ಸನ್ನಿಪಾತೇತ್ವಾ, ಪುಞ್ಞಕಮ್ಮೇ ಸಮಾದಯಿಂ;

ಮಾಳಂ ಕಸ್ಸಾಮ ಸಙ್ಘಸ್ಸ, ಪುಞ್ಞಕ್ಖೇತ್ತಂ ಅನುತ್ತರಂ.

೪೬. ‘‘ಸಾಧೂತಿ ತೇ ಪಟಿಸ್ಸುತ್ವಾ, ಮಮ ಛನ್ದವಸಾನುಗಾ;

ನಿಟ್ಠಾಪೇತ್ವಾ ಚ ತಂ ಮಾಳಂ, ವಿಪಸ್ಸಿಸ್ಸ ಅದಮ್ಹಸೇ.

೪೭. ‘‘ಏಕನವುತಿತೋ ಕಪ್ಪೇ, ಯಂ ಮಾಳಮದದಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಮಾಳದಾನಸ್ಸಿದಂ ಫಲಂ.

೪೮. ‘‘ಏಕೂನಸತ್ತತಿಕಪ್ಪೇ [ಏಕೂನಸಟ್ಠಿಕಪ್ಪಮ್ಹಿ (ಸೀ. ಸ್ಯಾ.)],

ಏಕೋ ಆಸಿ ಜನಾಧಿಪೋ.

ಆದೇಯ್ಯೋ ನಾಮ ನಾಮೇನ, ಚಕ್ಕವತ್ತೀ ಮಹಬ್ಬಲೋ.

೪೯. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಸಮಾದಪಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಸಮಾದಪಕತ್ಥೇರಸ್ಸಾಪದಾನಂ ನವಮಂ.