೪. ಸೂಚಿದಾಯಕತ್ಥೇರಅಪದಾನಂ

೧೯. ‘‘ಕಮ್ಮಾರೋಹಂ ಪುರೇ ಆಸಿಂ, ಬನ್ಧುಮಾಯಂ ಪುರುತ್ತಮೇ;

ಸೂಚಿದಾನಂ ಮಯಾ ದಿನ್ನಂ, ವಿಪಸ್ಸಿಸ್ಸ ಮಹೇಸಿನೋ.

೨೦. ‘‘ವಜಿರಗ್ಗಸಮಂ ಞಾಣಂ, ಹೋತಿ ಕಮ್ಮೇನ ತಾದಿಸಂ;

ವಿರಾಗೋಮ್ಹಿ ವಿಮುತ್ತೋಮ್ಹಿ [ವಿಭವೋಮ್ಹಿ ವಿಭತ್ತೋಮ್ಹಿ (ಕ.)], ಪತ್ತೋಮ್ಹಿ ಆಸವಕ್ಖಯಂ.

೨೧. ‘‘ಅತೀತೇ ಚ ಭವೇ ಸಬ್ಬೇ, ವತ್ತಮಾನೇ ಚನಾಗತೇ [ಅತೀತಾ ಚ ಭವಾ ಸಬ್ಬೇ, ವತ್ತಮಾನಾ ಚ’ನಾಗತಾ (ಸ್ಯಾ. ಕ.)];

ಞಾಣೇನ ವಿಚಿನಿಂ ಸಬ್ಬಂ, ಸೂಚಿದಾನಸ್ಸಿದಂ ಫಲಂ.

೨೨. ‘‘ಏಕನವುತಿತೋ ಕಪ್ಪೇ, ಸತ್ತಾಸುಂ ವಜಿರವ್ಹಯಾ;

ಸತ್ತರತನಸಮ್ಪನ್ನಾ, ಚಕ್ಕವತ್ತೀ ಮಹಬ್ಬಲಾ.

೨೩. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಸೂಚಿದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಸೂಚಿದಾಯಕತ್ಥೇರಸ್ಸಾಪದಾನಂ ಚತುತ್ಥಂ.