೩. ಅಡ್ಢಚೇಳಕತ್ಥೇರಅಪದಾನಂ

೧೪. ‘‘ತಿಸ್ಸಸ್ಸಾಹಂ ಭಗವತೋ, ಉಪಡ್ಢದುಸ್ಸಮದಾಸಹಂ;

ಪರಮಕಾಪಞ್ಞಪತ್ತೋಮ್ಹಿ [ಪರಮಕಾರುಞ್ಞಪತ್ತೋಮ್ಹಿ (ಸ್ಯಾ. ಕ.)], ದುಗ್ಗತೇನ [ದುಗ್ಗನ್ಧೇನ (ಸೀ.)] ಸಮಪ್ಪಿತೋ.

೧೫. ‘‘ಉಪಡ್ಢದುಸ್ಸಂ ದತ್ವಾನ, ಕಪ್ಪಂ ಸಗ್ಗಮ್ಹಿ ಮೋದಹಂ;

ಅವಸೇಸೇಸು ಕಪ್ಪೇಸು, ಕುಸಲಂ ಕಾರಿತಂ ಮಯಾ.

೧೬. ‘‘ದ್ವೇನವುತೇ ಇತೋ ಕಪ್ಪೇ, ಯಂ ದುಸ್ಸಮದದಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ದುಸ್ಸದಾನಸ್ಸಿದಂ ಫಲಂ.

೧೭. ‘‘ಏಕೂನಪಞ್ಞಾಸಕಪ್ಪಮ್ಹಿ [ಏಕಪಞ್ಞಾಸಕಪ್ಪಮ್ಹಿ (ಸ್ಯಾ.)], ರಾಜಾನೋ ಚಕ್ಕವತ್ತಿನೋ;

ಸಮನ್ತಚ್ಛದನಾ ನಾಮ, ಬಾತ್ತಿಂಸಾಸುಂ [ಖತ್ತಿಯಾಸುಂ (ಸ್ಯಾ. ಕ.)] ಜನಾಧಿಪಾ.

೧೮. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಅಡ್ಢಚೇಳಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಅಡ್ಢಚೇಳಕತ್ಥೇರಸ್ಸಾಪದಾನಂ ತತಿಯಂ.