೧. ಕೋಸಿಯಸಿಕ್ಖಾಪದವಣ್ಣನಾ

೫೪೨. ತೇನ ಸಮಯೇನಾತಿ ಕೋಸಿಯಸಿಕ್ಖಾಪದಂ. ತತ್ಥ ಸನ್ಥರಿತ್ವಾ ಕತಂ ಹೋತೀತಿ ಸಮೇ ಭೂಮಿಭಾಗೇ ಕೋಸಿಯಂಸೂನಿ ಉಪರೂಪರಿ ಸನ್ಥರಿತ್ವಾ ಕಞ್ಜಿಕಾದೀಹಿ ಸಿಞ್ಚಿತ್ವಾ ಕತಂ ಹೋತಿ. ಏಕೇನಪಿ ಕೋಸಿಯಂಸುನಾ ಮಿಸ್ಸಿತ್ವಾತಿ ತಿಟ್ಠತು ಅತ್ತನೋ ರುಚಿವಸೇನ ಮಿಸ್ಸಿತಂ, ಸಚೇಪಿ ತಸ್ಸ ಕರಣಟ್ಠಾನೇ ವಾತೋ ಏಕಂ ಕೋಸಿಯಂಸುಂ ಆನೇತ್ವಾ ಪಾತೇತಿ, ಏವಮ್ಪಿ ಮಿಸ್ಸೇತ್ವಾ ಕತಮೇವ ಹೋತೀತಿ. ಸೇಸಂ ಉತ್ತಾನತ್ಥಮೇವ.

ಛಸಮುಟ್ಠಾನಂ, ಕಿರಿಯಂ, ನೋಸಞ್ಞಾವಿಮೋಕ್ಖಂ, ಅಚಿತ್ತಕಂ ಪಣ್ಣತ್ತಿವಜ್ಜಂ, ಕಾಯಕಮ್ಮವಚೀಕಮ್ಮಂ,

ತಿಚಿತ್ತಂ, ತಿವೇದನನ್ತಿ.

ಕೋಸಿಯಸಿಕ್ಖಾಪದವಣ್ಣನಾ ನಿಟ್ಠಿತಾ.