೧೨. ದ್ವಾದಸಮಸಿಕ್ಖಾಪದವಣ್ಣನಾ

೧೨೧೯-೨೩. ದ್ವಾದಸಮೇ – ಅನೋಕಾಸಕತನ್ತಿ ಅಸುಕಸ್ಮಿಂ ನಾಮ ಠಾನೇ ಪುಚ್ಛಾಮೀತಿ ಏವಂ ಅಕತಓಕಾಸಂ. ತೇನೇವಾಹ – ‘‘ಅನೋಕಾಸಕತನ್ತಿ ಅನಾಪುಚ್ಛಾ’’ತಿ. ಅನೋದಿಸ್ಸಾತಿ ಅಸುಕಸ್ಮಿಂ ನಾಮ ಠಾನೇ ಪುಚ್ಛಾಮೀತಿ ಏವಂ ಅನಿಯಮೇತ್ವಾ ಕೇವಲಂ ‘‘ಪುಚ್ಛಿತಬ್ಬಂ ಅತ್ಥಿ, ಪುಚ್ಛಾಮಿ ಅಯ್ಯಾ’’ತಿ ಏವಂ ವತ್ವಾ. ಸೇಸಂ ಉತ್ತಾನಮೇವ. ಪದಸೋಧಮ್ಮಸಮುಟ್ಠಾನಂ – ವಾಚತೋ ವಾಚಾಚಿತ್ತತೋ ಚ ಸಮುಟ್ಠಾತಿ, ಕಿರಿಯಾಕಿರಿಯಂ, ನೋಸಞ್ಞಾವಿಮೋಕ್ಖಂ, ಅಚಿತ್ತಕಂ, ಪಣ್ಣತ್ತಿವಜ್ಜಂ, ವಚೀಕಮ್ಮಂ, ತಿಚಿತ್ತಂ, ತಿವೇದನನ್ತಿ.

ದ್ವಾದಸಮಸಿಕ್ಖಾಪದಂ.