೬. ಅಮೂಲಕಸಿಕ್ಖಾಪದವಣ್ಣನಾ

೪೫೯. ಛಟ್ಠೇ – ಅನುದ್ಧಂಸೇನ್ತೀತಿ ತೇ ಕಿರ ಸಯಂ ಆಕಿಣ್ಣದೋಸತ್ತಾ ‘‘ಏವಂ ಭಿಕ್ಖೂ ಅಮ್ಹೇ ನೇವ ಚೋದೇಸ್ಸನ್ತಿ, ನ ಸಾರೇಸ್ಸನ್ತೀ’’ತಿ ಅತ್ತಪರಿತ್ತಾಣಂ ಕರೋನ್ತಾ ಪಟಿಕಚ್ಚೇವ ಭಿಕ್ಖೂ ಅಮೂಲಕೇನ ಸಙ್ಘಾದಿಸೇಸೇನ ಚೋದೇನ್ತಿ. ಸೇಸಮೇತ್ಥ ತೇರಸಕಮ್ಹಿ ಅಮೂಲಕಸಿಕ್ಖಾಪದೇ ವುತ್ತನಯತ್ತಾ ಉತ್ತಾನಮೇವ.

ತಿಸಮುಟ್ಠಾನಂ – ಕಿರಿಯಂ, ಸಞ್ಞಾವಿಮೋಕ್ಖಂ, ಸಚಿತ್ತಕಂ, ಲೋಕವಜ್ಜಂ, ಕಾಯಕಮ್ಮಂ, ವಚೀಕಮ್ಮಂ, ಅಕುಸಲಚಿತ್ತಂ, ದುಕ್ಖವೇದನನ್ತಿ.

ಅಮೂಲಕಸಿಕ್ಖಾಪದಂ ಛಟ್ಠಂ.