೭. ಸಞ್ಚಿಚ್ಚಸಿಕ್ಖಾಪದವಣ್ಣನಾ

೪೬೪. ಸತ್ತಮೇ – ಉಪದಹನ್ತೀತಿ ಉಪ್ಪಾದೇನ್ತಿ. ಕುಕ್ಕುಚ್ಚಂ ಉಪದಹತಿ ಆಪತ್ತಿ ಪಾಚಿತ್ತಿಯಸ್ಸಾತಿ ವಾಚಾಯ ವಾಚಾಯ ಆಪತ್ತಿ. ಅನುಪಸಮ್ಪನ್ನಸ್ಸಾತಿ ಸಾಮಣೇರಸ್ಸ. ಮಾತುಗಾಮೇನ ಸದ್ಧಿಂ ರಹೋ ಮಞ್ಞೇ ತಯಾ ನಿಸಿನ್ನಂ ನಿಪನ್ನಂ ಭುತ್ತಂ ಪೀತಂ, ಸಙ್ಘಮಜ್ಝೇ ಇದಞ್ಚಿದಞ್ಚ ಕತನ್ತಿಆದಿನಾ ನಯೇನ ಕುಕ್ಕುಚ್ಚಂ ಉಪದಹತಿ, ವಾಚಾಯ ವಾಚಾಯ ದುಕ್ಕಟಂ. ಸೇಸಮೇತ್ಥ ಉತ್ತಾನಮೇವ. ಸಮುಟ್ಠಾನಾದೀನಿಪಿ ಅಮೂಲಕಸದಿಸಾನೇವಾತಿ.

ಸಞ್ಚಿಚ್ಚಸಿಕ್ಖಾಪದಂ ಸತ್ತಮಂ.