೩. ಸೇಖಸುತ್ತವಣ್ಣನಾ

೫೨೩. ತತಿಯೇ ನ ಹೇವ ಖೋ ಕಾಯೇನ ಫುಸಿತ್ವಾ ವಿಹರತೀತಿ ನ ನಾಮಕಾಯೇನ ಫುಸಿತ್ವಾ ಪಟಿಲಭಿತ್ವಾ ವಿಹರತಿ, ಫುಸಿತುಂ ಪಟಿಲಭಿತುಂ ನ ಸಕ್ಕೋತಿ. ಪಞ್ಞಾಯ ಚ ಅತಿವಿಜ್ಝ ಪಸ್ಸತೀತಿ ಪಚ್ಚವೇಕ್ಖಣಪಞ್ಞಾಯ ಪನ ‘‘ಉಪರಿ ಅರಹತ್ತಫಲಿನ್ದ್ರಿಯಂ ನಾಮ ಅತ್ಥೀ’’ತಿ ಪಜಾನಾತಿ. ಅಸೇಖಭೂಮಿಯಂ ಫುಸಿತ್ವಾ ವಿಹರತೀತಿ ಪಟಿಲಭಿತ್ವಾ ವಿಹರತಿ. ಪಞ್ಞಾಯಾತಿ ಪಚ್ಚವೇಕ್ಖಣಪಞ್ಞಾಯ ‘‘ಅರಹತ್ತಫಲಿನ್ದ್ರಿಯಂ ನಾಮ ಅತ್ಥೀ’’ತಿ ಪಜಾನಾತಿ. ನ ಕುಹಿಞ್ಚಿ ಕಿಸ್ಮಿಞ್ಚೀತಿ ದ್ವೇಪಿ ಅಞ್ಞಮಞ್ಞವೇವಚನಾನೇವ, ಕಿಸ್ಮಿಞ್ಚಿ ಭವೇ ನ ಉಪ್ಪಜ್ಜಿಸ್ಸನ್ತೀತಿ ಅತ್ಥೋ. ಇಮಸ್ಮಿಂ ಸುತ್ತೇ ಪಞ್ಚಿನ್ದ್ರಿಯಾನಿ ಲೋಕುತ್ತರಾನಿ, ಛ ಲೋಕಿಕಾನಿ ವಟ್ಟನಿಸ್ಸಿತಾನೇವ ಕಥಿತಾನಿ.