೩. ಅಗ್ಗಿಸುತ್ತವಣ್ಣನಾ

೨೩೪. ತತಿಯೇ ಸತಿಞ್ಚ ಖ್ವಾಹಂ, ಭಿಕ್ಖವೇ, ಸಬ್ಬತ್ಥಿಕಂ ವದಾಮೀತಿ ಲೋಣಧೂಪನಂ ವಿಯ ಸಬ್ಬಕಮ್ಮಿಕಾಮಚ್ಚಂ ವಿಯ ಚ ಸಬ್ಬತ್ಥ ಇಚ್ಛಿತಬ್ಬಂ ವದಾಮೀತಿ ಅತ್ಥೋ. ಯಥಾ ಹಿ ಲೋಣಧೂಪನಂ ಸಬ್ಬಬ್ಯಞ್ಜನೇಸುಪಿ ನಿವಿಸತಿ, ಯಥಾ ಚ ಸಬ್ಬಕಮ್ಮಿಕೋ ಅಮಚ್ಚೋ ಯೋಧಕಮ್ಮಮ್ಪಿ ಕರೋತಿ ಮನ್ತಕಮ್ಮಮ್ಪಿ ಪಟಿಹಾರಕಮ್ಮಮ್ಪೀತಿ ಸಬ್ಬಕಿಚ್ಚಾನಿ ಸಾಧೇತಿ, ಏವಂ ಉದ್ಧತಸ್ಸ ಚಿತ್ತಸ್ಸ ನಿಗ್ಗಣ್ಹನಂ, ಲೀನಸ್ಸ ಪಗ್ಗಣ್ಹನನ್ತಿ ಸಬ್ಬಮೇತಂ ಸತಿಯಾ ಇಜ್ಝತಿ, ನ ಸಕ್ಕಾ ವಿನಾ ಸತಿಯಾ ಏತಂ ಸಮ್ಪಾದೇತುಂ, ತಸ್ಮಾ ಏವಮಾಹ. ಇಮಸ್ಮಿಂ ಸುತ್ತೇ ಪುಬ್ಬಭಾಗವಿಪಸ್ಸನಾ ಬೋಜ್ಝಙ್ಗಾವ ಕಥಿತಾ.