೫. ದುತಿಯಸರಣಾನಿಸಕ್ಕಸುತ್ತವಣ್ಣನಾ

೧೦೨೧. ಪಞ್ಚಮೇ ದುಕ್ಖೇತ್ತನ್ತಿ ವಿಸಮಖೇತ್ತಂ. ದುಬ್ಭೂಮನ್ತಿ ಊಸರಭೂಮಿಂ ಲೋಣೂಪಹತಂ. ಖಣ್ಡಾನೀತಿ ಪರಿಭಿನ್ನಾನಿ. ಪೂತೀನೀತಿ ಉದಕೇನ ತೇಮೇತ್ವಾ ಪೂತಿಭಾವಂ ಆಪನ್ನಾನಿ. ವಾತಾತಪಹತಾನೀತಿ ವಾತಾತಪೇನ ಹತತ್ತಾ ನಿರೋಜಭಾವಂ ಗತಾನಿ. ಅಸಾರಾದಾನೀತಿ ಅನಾದಿನ್ನಸಾರಾನಿ ಅಗಹಿತಸಾರಾನಿ. ಅಸುಖಸಯಿತಾನೀತಿ ನ ಕೋಟ್ಠಾದೀಸು ಪಕ್ಖಿಪಿತ್ವಾ ಸುಟ್ಠು ಠಪಿತಾನಿ. ಸುಖಸಯಿತಾನೀತಿ ಠಪಿತಟ್ಠಾನತೋ ಚತ್ತಾರೋ ಮಾಸೇ ಅಚಲಿತಾನಿ.