೧೦. ಏಸನಾವಗ್ಗೋ

೧. ಏಸನಾಸುತ್ತವಣ್ಣನಾ

೧೬೧. ಏಸನಾವಗ್ಗೇ ಕಾಮೇಸನಾತಿ ಕಾಮಾನಂ ಏಸನಾ ಗವೇಸನಾ ಮಗ್ಗನಾ ಪತ್ಥನಾ. ಭವೇಸನಾತಿ ಭವಾನಂ ಏಸನಾ. ಬ್ರಹ್ಮಚರಿಯೇಸನಾತಿ ಮಿಚ್ಛಾದಿಟ್ಠಿಸಙ್ಖಾತಸ್ಸ ಬ್ರಹ್ಮಚರಿಯಸ್ಸ ಏಸನಾ.

೨-೧೧. ವಿಧಾಸುತ್ತಾದಿವಣ್ಣನಾ

೧೬೨-೧೭೧. ವಿಧಾತಿ ಮಾನಕೋಟ್ಠಾಸಾ ಮಾನಠಪನಾ ವಾ. ಸೇಯ್ಯೋಹಮಸ್ಮೀತಿ ವಿಧಾತಿ ಅಹಮಸ್ಮಿ ಸೇಯ್ಯೋತಿ ಏವಂ ಮಾನಕೋಟ್ಠಾಸೋ ಮಾನಠಪನಾ ವಾ. ನೀಘಾತಿ ದುಕ್ಖಾ. ವಚನತ್ಥೋ ಪನೇತ್ಥ ಯಸ್ಸ ಉಪ್ಪಜ್ಜನ್ತಿ, ತಂ ಪುರಿಸಂ ನೀಹನನ್ತೀತಿ ನೀಘಾ. ಸೇಸಮೇತ್ಥ ಉತ್ತಾನಮೇವಾತಿ.

ಏಸನಾವಗ್ಗೋ ದಸಮೋ.