೭. ದುತಿಯಅಞ್ಞತರಭಿಕ್ಖುಸುತ್ತವಣ್ಣನಾ

೭. ಸತ್ತಮೇ ನಿಬ್ಬಾನಧಾತುಯಾ ಖೋ ಏತಂ ಭಿಕ್ಖು ಅಧಿವಚನನ್ತಿ ಅಸಙ್ಖತಾಯ ಅಮತಾಯ ನಿಬ್ಬಾನಧಾತುಯಾ ಏತಂ ಅಧಿವಚನಂ. ಆಸವಾನಂ ಖಯೋ ತೇನ ವುಚ್ಚತೀತಿ ಅಪಿಚ ತೇನ ರಾಗಾದಿವಿನಯೇನ ಆಸವಾನಂ ಖಯೋತಿಪಿ ವುಚ್ಚತಿ. ಆಸವಕ್ಖಯೋ ನಾಮ ಅರಹತ್ತಂ, ಅರಹತ್ತಸ್ಸಾಪಿ ಏತಂ ರಾಗವಿನಯೋತಿಆದಿ ನಾಮಮೇವಾತಿ ದೀಪೇತಿ. ಏತದವೋಚಾತಿ ‘‘ಸತ್ಥಾರಾ ನಿಬ್ಬಾನಧಾತೂತಿ ವದನ್ತೇನ ಅಮತಂ ನಿಬ್ಬಾನಂ ಕಥಿತಂ, ಮಗ್ಗೋ ಪನಸ್ಸ ನ ಕಥಿತೋ. ತಂ ಕಥಾಪೇಸ್ಸಾಮೀ’’ತಿ ಅನುಸನ್ಧಿಕುಸಲತಾಯ ಪುಚ್ಛನ್ತೋ ಏತಂ ಅವೋಚ.