೨-೧೦. ಪಸಯ್ಹಸುತ್ತಾದಿವಣ್ಣನಾ

೩೦೫-೩೧೩. ಪಸಯ್ಹಾತಿ ಅಭಿಭವಿತ್ವಾ. ಅಭಿಭುಯ್ಯ ವತ್ತತೀತಿ ಅಭಿಭವತಿ ಅಜ್ಝೋತ್ಥರತಿ. ನೇವ ರೂಪಬಲಂ ತಾಯತೀತಿ ನೇವ ರೂಪಬಲಂ ತಾಯಿತುಂ ರಕ್ಖಿತುಂ ಸಕ್ಕೋತಿ. ನಾಸೇನ್ತೇವ ನಂ, ಕುಲೇ ನ ವಾಸೇನ್ತೀತಿ ‘‘ದುಸ್ಸೀಲಾ ಸಂಭಿನ್ನಾಚಾರಾ ಅತಿಕ್ಕನ್ತಮರಿಯಾದಾ’’ತಿ ಗೀವಾಯಂ ಗಹೇತ್ವಾ ನೀಹರನ್ತಿ, ನ ತಸ್ಮಿಂ ಕುಲೇ ವಾಸೇನ್ತಿ. ವಾಸೇನ್ತೇವ ನಂ ಕುಲೇ, ನ ನಾಸೇನ್ತೀತಿ ‘‘ಕಿಂ ರೂಪೇನ ಭೋಗಾದೀಹಿ ವಾ, ಪರಿಸುದ್ಧಸೀಲಾ ಏಸಾ ಆಚಾರಸಮ್ಪನ್ನಾ’’ತಿ ಞತ್ವಾ ಞಾತಕಾ ತಸ್ಮಿಂ ಕುಲೇ ವಾಸೇನ್ತಿಯೇವ, ನ ನಾಸೇನ್ತಿ. ಸೇಸಂ ಸಬ್ಬತ್ಥ ಉತ್ತಾನತ್ಥಮೇವಾತಿ.

ಮಾತುಗಾಮಸಂಯುತ್ತವಣ್ಣನಾ ನಿಟ್ಠಿತಾ.