೯. ಕುತೂಹಲಸಾಲಾಸುತ್ತವಣ್ಣನಾ

೪೧೮. ನವಮೇ ಕುತೂಹಲಸಾಲಾಯನ್ತಿ ಕುತೂಹಲಸಾಲಾ ನಾಮ ಪಚ್ಚೇಕಸಾಲಾ ನತ್ಥಿ, ಯತ್ಥ ಪನ ನಾನಾತಿತ್ಥಿಯಾ ಸಮಣಬ್ರಾಹ್ಮಣಾ ನಾನಾವಿಧಂ ಕಥಂ ಪವತ್ತೇನ್ತಿ, ಸಾ ಬಹೂನಂ ‘‘ಅಯಂ ಕಿಂ ವದತಿ, ಅಯಂ ಕಿಂ ವದತೀ’’ತಿ ಕುತೂಹಲುಪ್ಪವತ್ತಿಟ್ಠಾನತೋ ಕುತೂಹಲಸಾಲಾತಿ ವುಚ್ಚತಿ. ದೂರಮ್ಪಿ ಗಚ್ಛತೀತಿ ಯಾವ ಆಭಸ್ಸರಬ್ರಹ್ಮಲೋಕಾ ಗಚ್ಛತಿ. ಇಮಞ್ಚ ಕಾಯಂ ನಿಕ್ಖಿಪತೀತಿ ಚುತಿಚಿತ್ತೇನ ನಿಕ್ಖಿಪತಿ. ಅನುಪಪನ್ನೋ ಹೋತೀತಿ ಚುತಿಕ್ಖಣೇಯೇವ ಪಟಿಸನ್ಧಿಚಿತ್ತಸ್ಸ ಅನುಪ್ಪನ್ನತ್ತಾ ಅನುಪಪನ್ನೋ ಹೋತಿ.