೧೭. ಸಟ್ಠಿಪೇಯ್ಯಾಲವಗ್ಗೋ

೧-೬೦. ಅಜ್ಝತ್ತಅನಿಚ್ಚಛನ್ದಸುತ್ತಾದಿವಣ್ಣನಾ

೧೬೮-೨೨೭. ತದನನ್ತರೋ ಸಟ್ಠಿಪೇಯ್ಯಾಲೋ ನಾಮ ಹೋತಿ, ಸೋ ಉತ್ತಾನತ್ಥೋವ. ಯಾನಿ ಪನೇತ್ಥ ಸಟ್ಠಿ ಸುತ್ತಾನಿ ವುತ್ತಾನಿ, ತಾನಿ ‘‘ಛನ್ದೋ ಪಹಾತಬ್ಬೋ’’ತಿ ಏವಂ ತಸ್ಸ ತಸ್ಸೇವ ಪದಸ್ಸ ವಸೇನ ಬುಜ್ಝನಕಾನಂ ಅಜ್ಝಾಸಯವಸೇನ ವುತ್ತಾನಿ. ಇತಿ ಸಬ್ಬಾನಿ ತಾನಿ ಪಾಟಿಯೇಕ್ಕೇನ ಪುಗ್ಗಲಜ್ಝಾಸಯವಸೇನ ಕಥಿತಾನಿ. ಏಕೇಕಸುತ್ತಪರಿಯೋಸಾನೇ ಚೇತ್ಥ ಸಟ್ಠಿ ಸಟ್ಠಿ ಭಿಕ್ಖೂ ಅರಹತ್ತಂ ಪತ್ತಾತಿ.

ಸಟ್ಠಿಪೇಯ್ಯಾಲವಗ್ಗೋ.