೧೬. ನನ್ದಿಕ್ಖಯವಗ್ಗೋ

೧-೪. ಅಜ್ಝತ್ತನನ್ದಿಕ್ಖಯಸುತ್ತಾದಿವಣ್ಣನಾ

೧೫೬-೧೫೯. ನನ್ದಿಕ್ಖಯವಗ್ಗಸ್ಸ ಪಠಮೇ ನನ್ದಿಕ್ಖಯಾ ರಾಗಕ್ಖಯೋ, ರಾಗಕ್ಖಯಾ ನನ್ದಿಕ್ಖಯೋತಿ ನನ್ದಿಯಾ ಚ ರಾಗಸ್ಸ ಚ ಅತ್ಥತೋ ಏಕತ್ತಾ ವುತ್ತಂ. ಸುವಿಮುತ್ತನ್ತಿ ಅರಹತ್ತಫಲವಿಮುತ್ತಿವಸೇನ ಸುಟ್ಠು ವಿಮುತ್ತಂ. ಸೇಸಮೇತ್ಥ ದುತಿಯಾದೀಸು ಚ ಉತ್ತಾನಮೇವ.

೫-೬. ಜೀವಕಮ್ಬವನಸಮಾಧಿಸುತ್ತಾದಿವಣ್ಣನಾ

೧೬೦-೧೬೧. ಪಞ್ಚಮಂ ಸಮಾಧಿವಿಕಲಾನಂ, ಛಟ್ಠಂ ಪಟಿಸಲ್ಲಾನವಿಕಲಾನಂ ಚಿತ್ತೇಕಗ್ಗತಞ್ಚ ಕಾಯವಿವೇಕಞ್ಚ ಲಭನ್ತಾನಂ ಏತೇಸಂ ಕಮ್ಮಟ್ಠಾನಂ ಫಾತಿಂ ಗಮಿಸ್ಸತೀತಿ ಞತ್ವಾ ಕಥಿತಂ. ತತ್ಥ ಓಕ್ಖಾಯತೀತಿ (ಪಚ್ಚಕ್ಖಾಯತಿ) ಪಞ್ಞಾಯತಿ ಪಾಕಟಂ ಹೋತಿ. ಇತಿ ದ್ವೀಸುಪಿ ಏತೇಸು ಸಹ ವಿಪಸ್ಸನಾಯ ಚತ್ತಾರೋ ಮಗ್ಗಾ ಕಥಿತಾ.

೭-೯. ಕೋಟ್ಠಿಕಅನಿಚ್ಚಸುತ್ತಾದಿವಣ್ಣನಾ

೧೬೨-೧೬೪. ಸತ್ತಮಾದೀಸು ತೀಸು ಥೇರಸ್ಸ ವಿಮುತ್ತಿಪರಿಪಾಚನಿಯಾ ಧಮ್ಮಾವ ಕಥಿತಾ.

೧೦-೧೨. ಮಿಚ್ಛಾದಿಟ್ಠಿಪಹಾನಸುತ್ತಾದಿವಣ್ಣನಾ

೧೬೫-೧೬೭. ದಸಮಾದೀನಿ ತೀಣಿ ಪಾಟಿಯೇಕ್ಕೇನ ಪುಗ್ಗಲಜ್ಝಾಸಯವಸೇನ ವುತ್ತಾನಿ. ತೇಸಂ ಅತ್ಥೋ ವುತ್ತನಯೇನೇವ ವೇದಿತಬ್ಬೋತಿ.

ನನ್ದಿಕ್ಖಯವಗ್ಗೋ ಸೋಲಸಮೋ.