೪. ದುತಿಯಅನಿಚ್ಚಸುತ್ತವಣ್ಣನಾ

೪೬. ಚತುತ್ಥೇ ಪುಬ್ಬನ್ತಾನುದಿಟ್ಠಿಯೋತಿ ಪುಬ್ಬನ್ತಂ ಅನುಗತಾ ಅಟ್ಠಾರಸ ದಿಟ್ಠಿಯೋ ನ ಹೋನ್ತಿ. ಅಪರನ್ತಾನುದಿಟ್ಠಿಯೋತಿ ಅಪರನ್ತಂ ಅನುಗತಾ ಚತುಚತ್ತಾಲೀಸ ದಿಟ್ಠಿಯೋ ನ ಹೋನ್ತಿ. ಥಾಮಸೋ ಪರಾಮಾಸೋತಿ ದಿಟ್ಠಿಥಾಮಸೋ ಚೇವ ದಿಟ್ಠಿಪರಾಮಾಸೋ ಚ ನ ಹೋತಿ. ಏತ್ತಾವತಾ ಪಠಮಮಗ್ಗೋ ದಸ್ಸಿತೋ. ಇದಾನಿ ಸಹ ವಿಪಸ್ಸನಾಯ ತಯೋ ಮಗ್ಗೇ ಚ ಫಲಾನಿ ಚ ದಸ್ಸೇತುಂ ರೂಪಸ್ಮಿನ್ತಿಆದಿ ಆರದ್ಧಂ. ಅಥ ವಾ ದಿಟ್ಠಿಯೋ ನಾಮ ವಿಪಸ್ಸನಾಯ ಏವ ಪಹೀನಾ, ಇದಂ ಪನ ಉಪರಿ ಸಹ ವಿಪಸ್ಸನಾಯ ಚತ್ತಾರೋ ಮಗ್ಗೇ ದಸ್ಸೇತುಂ ಆರದ್ಧಂ. ಚತುತ್ಥಂ.