೨. ಪಟಿಪದಾಸುತ್ತವಣ್ಣನಾ

೪೪. ದುತಿಯೇ ದುಕ್ಖಸಮುದಯಗಾಮಿನೀ ಸಮನುಪಸ್ಸನಾತಿ ಯಸ್ಮಾ ಸಕ್ಕಾಯೋ ದುಕ್ಖಂ, ತಸ್ಸ ಚ ಸಮುದಯಗಾಮಿನೀ ಪಟಿಪದಾ ನಾಮ ‘‘ರೂಪಂ ಅತ್ತತೋ ಸಮನುಪಸ್ಸತೀ’’ತಿ ಏವಂ ದಿಟ್ಠಿಸಮನುಪಸ್ಸನಾ ವುತ್ತಾ, ತಸ್ಮಾ ದುಕ್ಖಸಮುದಯಗಾಮಿನೀ ಸಮನುಪಸ್ಸನಾತಿ ಅಯಮೇತ್ಥ ಅತ್ಥೋ ಹೋತಿ. ದುಕ್ಖನಿರೋಧಗಾಮಿನೀ ಸಮನುಪಸ್ಸನಾತಿ ಏತ್ಥ ಸಹ ವಿಪಸ್ಸನಾಯ ಚತುಮಗ್ಗಞಾಣಂ ‘‘ಸಮನುಪಸ್ಸನಾ’’ತಿ ವುತ್ತಂ. ಇತಿ ಇಮಸ್ಮಿಂ ಸುತ್ತೇ ವಟ್ಟವಿವಟ್ಟಂ ಕಥಿತಂ. ದುತಿಯಂ.