೧೧. ಅನ್ತವಗ್ಗೋ

೧. ಅನ್ತಸುತ್ತವಣ್ಣನಾ

೧೦೩. ಅನ್ತವಗ್ಗಸ್ಸ ಪಠಮೇ ಅನ್ತಾತಿ ಕೋಟ್ಠಾಸಾ. ಇದಂ ಸುತ್ತಂ ಚತುಸಚ್ಚವಸೇನ ಪಞ್ಚಕ್ಖನ್ಧೇ ಯೋಜೇತ್ವಾ ಅನ್ತೋತಿ ವಚನೇನ ಬುಜ್ಝನಕಾನಂ ಅಜ್ಝಾಸಯವಸೇನ ವುತ್ತಂ. ಪಠಮಂ.

೨-೩. ದುಕ್ಖಸುತ್ತಾದಿವಣ್ಣನಾ

೧೦೪-೧೦೫. ದುತಿಯಮ್ಪಿ ಪಞ್ಚಕ್ಖನ್ಧೇ ಚತುಸಚ್ಚವಸೇನ ಯೋಜೇತ್ವಾ ದುಕ್ಖನ್ತಿ ಬುಜ್ಝನಕಾನಂ ಅಜ್ಝಾಸಯೇನ ಕಥಿತಂ. ತತಿಯಮ್ಪಿ ತಥೇವ ಸಕ್ಕಾಯೋತಿ ಬುಜ್ಝನಕಾನಂ ಅಜ್ಝಾಸಯೇನ ಕಥಿತಂ. ದುತಿಯತತಿಯಾನಿ.

೪. ಪರಿಞ್ಞೇಯ್ಯಸುತ್ತವಣ್ಣನಾ

೧೦೬. ಚತುತ್ಥೇ ಪರಿಞ್ಞೇಯ್ಯೇತಿ ಪರಿಜಾನಿತಬ್ಬೇ ಸಮತಿಕ್ಕಮಿತಬ್ಬೇ. ಪರಿಞ್ಞನ್ತಿ ಸಮತಿಕ್ಕಮಂ. ಪರಿಞ್ಞಾತಾವಿನ್ತಿ ತಾಯ ಪರಿಞ್ಞಾಯ ಪರಿಜಾನಿತ್ವಾ ಸಮತಿಕ್ಕಮಿತ್ವಾ ಠಿತಂ. ರಾಗಕ್ಖಯೋತಿಆದೀಹಿ ನಿಬ್ಬಾನಂ ದಸ್ಸಿತಂ. ಚತುತ್ಥಂ.

೫-೧೦. ಸಮಣಸುತ್ತಾದಿವಣ್ಣನಾ

೧೦೭-೧೧೨. ಪಞ್ಚಮಾದೀಸು ಚತೂಸು ಚತ್ತಾರಿ ಸಚ್ಚಾನಿ ಕಥಿತಾನಿ. ನವಮದಸಮೇಸು ಕಿಲೇಸಪ್ಪಹಾನನ್ತಿ. ಪಞ್ಚಮಾದೀನಿ.

ಅನ್ತವಗ್ಗೋ ಏಕಾದಸಮೋ.