೮. ತತಿಯಓವಾದಸುತ್ತವಣ್ಣನಾ

೧೫೧. ಅಟ್ಠಮೇ ತಥಾ ಹಿ ಪನಾತಿ ಪುಬ್ಬೇ ಸೋವಚಸ್ಸತಾಯ, ಏತರಹಿ ಚ ದೋವಚಸ್ಸತಾಯ ಕಾರಣಪಟ್ಠಪನೇ ನಿಪಾತೋ. ತತ್ರಾತಿ ತೇಸು ಥೇರೇಸು. ಕೋ ನಾಮಾಯಂ ಭಿಕ್ಖೂತಿ ಕೋ ನಾಮೋ ಅಯಂ ಭಿಕ್ಖು? ಕಿಂ ತಿಸ್ಸತ್ಥೇರೋ ಕಿಂ ನಾಗತ್ಥೇರೋತಿ? ತತ್ರಾತಿ ತಸ್ಮಿಂ ಏವಂ ಸಕ್ಕಾರೇ ಕಯಿರಮಾನೇ. ತಥತ್ತಾಯಾತಿ ತಥಾಭಾವಾಯ, ಆರಞ್ಞಿಕಾದಿಭಾವಾಯಾತಿ ಅತ್ಥೋ. ಸಬ್ರಹ್ಮಚಾರಿಕಾಮೋತಿ ‘‘ಇಮೇ ಮಂ ಪರಿವಾರೇತ್ವಾ ಚರನ್ತೂ’’ತಿ ಏವಂ ಕಾಮೇತಿ ಇಚ್ಛತಿ ಪತ್ಥೇತೀತಿ ಸಬ್ರಹ್ಮಚಾರಿಕಾಮೋ. ತಥತ್ತಾಯಾತಿ ಲಾಭಸಕ್ಕಾರನಿಬ್ಬತ್ತನತ್ಥಾಯ. ಬ್ರಹ್ಮಚಾರುಪದ್ದವೇನಾತಿ ಯೋ ಸಬ್ರಹ್ಮಚಾರೀನಂ ಚತೂಸು ಪಚ್ಚಯೇಸು ಅಧಿಮತ್ತಚ್ಛನ್ದರಾಗೋ ಉಪದ್ದವೋತಿ ವುಚ್ಚತಿ, ತೇನ ಉಪದ್ದುತಾ. ಅಭಿಪತ್ಥನಾತಿ ಅಧಿಮತ್ತಪತ್ಥನಾ. ಬ್ರಹ್ಮಚಾರಿಅಭಿಪತ್ಥನೇನಾತಿ ಬ್ರಹ್ಮಚಾರೀನಂ ಅಧಿಮತ್ತಪತ್ಥನಾಸಙ್ಖಾತೇನ ಚತುಪಚ್ಚಯಭಾವೇನ. ಅಟ್ಠಮಂ.