೭. ವಿಸಾಖಸುತ್ತವಣ್ಣನಾ

೨೪೧. ಸತ್ತಮೇ ಪೋರಿಯಾ ವಾಚಾಯಾತಿ ಪುರವಾಸೀನಂ ನಗರಮನುಸ್ಸಾನಂ ವಾಚಾಸದಿಸಾಯ ಅಪರಿಹೀನಕ್ಖರಪದಾಯ ಮಧುರವಾಚಾಯ. ವಿಸ್ಸಟ್ಠಾಯಾತಿ ಅಸನ್ದಿದ್ಧಾಯ ಅಪಲಿಬುದ್ಧಾಯ, ಪಿತ್ತಸೇಮ್ಹೇಹಿ ಅನುಪಹತಾಯಾತಿ ಅತ್ಥೋ. ಅನೇಲಗಲಾಯಾತಿ ಯಥಾ ದನ್ಧಮನುಸ್ಸಾ ಮುಖೇನ ಖೇಳಂ ಗಳನ್ತೇನ ವಾಚಂ ಭಾಸನ್ತಿ, ನ ಏವರೂಪಾಯ, ಅಥ ಖೋ ನಿದ್ದೋಸಾಯ ವಿಸದವಾಚಾಯ. ಪರಿಯಾಪನ್ನಾಯಾತಿ ಚತುಸಚ್ಚಪರಿಯಾಪನ್ನಾಯ ಚತ್ತಾರಿ ಸಚ್ಚಾನಿ ಅಮುಞ್ಚಿತ್ವಾ ಪವತ್ತಾಯ. ಅನಿಸ್ಸಿತಾಯಾತಿ ವಟ್ಟನಿಸ್ಸಿತಂ ಕತ್ವಾ ಅಕಥಿತಾಯ. ಧಮ್ಮೋ ಹಿ ಇಸಿನಂ ಧಜೋತಿ ನವವಿಧಲೋಕುತ್ತರಧಮ್ಮೋ ಇಸೀನಂ ಧಜೋ ನಾಮಾತಿ. ಸತ್ತಮಂ.