೫. ದುತಿಯಸಙ್ಗಾಮಸುತ್ತವಣ್ಣನಾ

೧೨೬. ಪಞ್ಚಮೇ ಅಬ್ಭುಯ್ಯಾಸೀತಿ ಪರಾಜಯೇ ಗರಹಪ್ಪತ್ತೋ ‘‘ಆರಾಮಂ ಗನ್ತ್ವಾ ಭಿಕ್ಖೂನಂ ಕಥಾಸಲ್ಲಾಪಂ ಸುಣಾಥಾ’’ತಿ ರತ್ತಿಭಾಗೇ ಬುದ್ಧರಕ್ಖಿತೇನ ನಾಮ ವುಡ್ಢಪಬ್ಬಜಿತೇನ ಧಮ್ಮರಕ್ಖಿತಸ್ಸ ವುಡ್ಢಪಬ್ಬಜಿತಸ್ಸ ‘‘ಸಚೇ ರಾಜಾ ಇಮಞ್ಚ ಉಪಾಯಂ ಕತ್ವಾ ಗಚ್ಛೇಯ್ಯ, ಪುನ ಜಿನೇಯ್ಯಾ’’ತಿ ವುತ್ತಜಯಕಾರಣಂ ಸುತ್ವಾ ಅಭಿಉಯ್ಯಾಸಿ.

ಯಾವಸ್ಸ ಉಪಕಪ್ಪತೀತಿ ಯಾವ ತಸ್ಸ ಉಪಕಪ್ಪತಿ ಸಯ್ಹಂ ಹೋತಿ. ಯದಾ ಚಞ್ಞೇತಿ ಯದಾ ಅಞ್ಞೇ. ವಿಲುಮ್ಪನ್ತೀತಿ ತಂ ವಿಲುಮ್ಪಿತ್ವಾ ಠಿತಪುಗ್ಗಲಂ ವಿಲುಮ್ಪನ್ತಿ. ವಿಲುಮ್ಪತೀತಿ ವಿಲುಮ್ಪಿಯತಿ. ಠಾನಂ ಹಿ ಮಞ್ಞತೀತಿ ‘‘ಕಾರಣ’’ನ್ತಿ ಹಿ ಮಞ್ಞತಿ. ಯದಾತಿ ಯಸ್ಮಿಂ ಕಾಲೇ. ಜೇತಾರಂ ಲಭತೇ ಜಯನ್ತಿ ಜಯನ್ತೋ ಪುಗ್ಗಲೋ ಪಚ್ಛಾ ಜೇತಾರಮ್ಪಿ ಲಭತಿ. ರೋಸೇತಾರನ್ತಿ ಘಟ್ಟೇತಾರಂ. ರೋಸಕೋತಿ ಘಟ್ಟಕೋ. ಕಮ್ಮವಿವಟ್ಟೇನಾತಿ ಕಮ್ಮಪರಿಣಾಮೇನ, ತಸ್ಸ ವಿಲುಮ್ಪನಕಮ್ಮಸ್ಸ ವಿಪಾಕದಾನೇನ. ಸೋ ವಿಲುತ್ತೋ ವಿಲುಪ್ಪತೀತಿ ಸೋ ವಿಲುಮ್ಪಕೋ ವಿಲುಮ್ಪಿಯತಿ. ಪಞ್ಚಮಂ.