೪೧-೪೨. ಖನ್ತಿಞಾಣಪರಿಯೋಗಾಹಣಞಾಣನಿದ್ದೇಸವಣ್ಣನಾ

೯೨-೯೩. ಖನ್ತಿಞಾಣಪರಿಯೋಗಾಹಣಞಾಣನಿದ್ದೇಸೇಸು ರೂಪಂ ಅನಿಚ್ಚತೋ ವಿದಿತನ್ತಿ ಅನಿಚ್ಚಾನುಪಸ್ಸನಾಯ ಅನಿಚ್ಚನ್ತಿ ಞಾತಂ. ರೂಪಂ ದುಕ್ಖತೋ ವಿದಿತನ್ತಿ ದುಕ್ಖಾನುಪಸ್ಸನಾಯ ದುಕ್ಖನ್ತಿ ಞಾತಂ. ರೂಪಂ ಅನತ್ತತೋ ವಿದಿತನ್ತಿ ಅನತ್ತಾನುಪಸ್ಸನಾಯ ಅನತ್ತಾತಿ ಞಾತಂ. ಯಂ ಯಂ ವಿದಿತಂ, ತಂ ತಂ ಖಮತೀತಿ ಯಂ ಯಂ ರೂಪಂ ಅನಿಚ್ಚಾದಿತೋ ವಿದಿತಂ, ತಂ ತಂ ರೂಪಂ ಅನಿಚ್ಚಾದಿತೋ ಖಮತಿ ರುಚ್ಚತಿ. ‘‘ರೂಪಂ ಅನಿಚ್ಚತೋ ವಿದಿತಂ, ಯಂ ಯಂ ವಿದಿತಂ, ತಂ ತಂ ಖಮತೀ’’ತಿ ವಿಸುಂ ವಿಸುಞ್ಚ ಕತ್ವಾ ಕೇಸುಚಿ ಪೋತ್ಥಕೇಸು ಲಿಖಿತಂ. ‘‘ವೇದನಾ ಸಞ್ಞಾ ಸಙ್ಖಾರಾ ಅನಿಚ್ಚತೋ ವಿದಿತಾ’’ತಿಆದಿನಾ ಲಿಙ್ಗವಚನಾನಿ ಪರಿವತ್ತೇತ್ವಾ ಯೋಜೇತಬ್ಬಾನಿ. ಫುಸತೀತಿ ವಿಪಸ್ಸನಾಞಾಣಫುಸನೇನ ಫುಸತಿ ಫರತಿ. ಪರಿಯೋಗಹತೀತಿ ವಿಪಸ್ಸನಾಞಾಣೇನ ಪವಿಸತಿ. ಪರಿಯೋಗಾಹತೀತಿಪಿ ಪಾಠೋ.

ಖನ್ತಿಞಾಣಪರಿಯೋಗಾಹಣಞಾಣನಿದ್ದೇಸವಣ್ಣನಾ ನಿಟ್ಠಿತಾ.